എഡ്യൂകെയർ പെരുമാതുറ ആനുവൽ ഡേ – 14 മെയ്‌ 2025 4 PM

On May 10, 2025

എൽ പി സ്കൂൾ പെരുമാതുറ

ബഹുമാന്യരെ,

കിംസ് ഹെൽത്ത്- സ്നേഹതീരത്തിന്റെ വിദ്യാഭ്യാസ ശക്തീകരണ പരിപാടിയുടെ ഭാഗമായി ആസൂത്രണം ചെയ്ത വിദ്യാഭ്യാസ പദ്ധതിയായ “എഡ്യൂകെയർ പെരുമാതുറയുടെ” ആനുവൽ ഡേ മെയ് 14 ബുധനാഴ്ച വൈകുന്നേരം 4 മണിക്ക് പെരുമാതുറ ഗവൺമെൻറ് എൽ പി എസിൽ വച്ച് സംഘടിപ്പിക്കുകയാണ്. പെരുമാതുറയുടെ സമഗ്ര വികസനം വിദ്യാഭ്യാസത്തിലൂടെ സാധ്യമാക്കുക എന്ന ലക്ഷ്യത്തോടെ പ്രവർത്തിക്കുന്ന ഈ പദ്ധതിയിൽ 500ൽ ആധികം വിദ്യാർഥികൾ ഗുണ ഭോക്താക്കളാണ്. സമൂഹത്തിന്റെ വലിയൊരു മാറ്റത്തിന് വർഷങ്ങളായി പ്രവർത്തിക്കുന്ന ഈ സംരംഭത്തിന്റെ വാർഷികാഘോഷം ഉദ്ഘാടനം ചെയ്യുന്നത് ബഹു. ഫിഷറീസ് സെക്രട്ടറി അബ്ദുൽ നാസർ ഐ.എ.എസ് ആണ്. സ്നേഹതീരത്തിന്റെ അഡ്വൈസർ ബോർഡ് ചെയർമാനും കിംസ്ഹെൽത്തിന്റെ ചെയർമാനുമായ ഡോ.എം. ഐ സഹദുള്ള, സ്നേഹതീരം പ്രസിഡന്റ് ശ്രീ.ഇ.എം നജീബ്, കിംസ് ഹെൽത്ത് സിഏസ്ആർ, സി ഇ ഒ രേശ്മി ആയിഷ, ചിറയിൻകീഴ് പഞ്ചായത്ത് പ്രസിഡണ്ട് അബ്ദുൽ വാഹിദ് എന്നിവർ പങ്കെടുക്കുന്നു. കഴിഞ്ഞവർഷം വിദ്യാഭ്യാസ രംഗത്ത് കഴിവ് തെളിയിച്ച കുട്ടികൾക്കും പെരുമാതുറയിൽ നിന്ന് റിട്ടയർ ആയി പോകുന്ന പ്രധാന അധ്യാപകർക്കും, ഈ പദ്ധതിയിലെ അദ്ധ്യാപകർക്കും ആദരവ് നൽകുന്നു. തുടർന്ന് വിദ്യാർത്ഥികളുടെ കലാപരിപാടികൾ അരങ്ങേറും നാടിന്റെ നന്മയ്ക്കായി പ്രവർത്തിക്കുന്ന ഈയൊരു പദ്ധതിയുടെ വാർഷികാ ഘോഷത്തിലേക്ക് ഏവരെയും സ്നേഹപൂർവ്വം ക്ഷണിക്കുന്നു.