എൻ.ആർ.ഐ വിദ്യാജ്യോതി പുരസ്ക്കാര വിതരണം
തിരു: ഭാരത പ്രവാസികളുടെ കൂട്ടായ്മ പ്രസ്ഥാനമായ എൻ.ആർ.ഐ. കൗൺസിൽ ഓഫ് ഇന്ത്യാ പ്രവാസികളുടെ മക്കളുടെ വിദ്യാഭ്യാസ ഉന്നതിക്കായി ഏർപ്പെടുത്തിയിട്ടുള്ള വിദ്യാ ജ്യോതി പുരസ്ക്കാരം ഈ മാസം 24 വെള്ളിയാഴ്ച ഉച്ചയ്ക്കു 2-30 ന് സെക്രട്ടറിയേറ്റിനു സമീപം വൈ എം. സി.എ ഹാളിൽ വച്ച് വിതരണം ചെയ്യും.തിരഞ്ഞെടുക്കപ്പെട്ട നൂറിൽപ്പരം കുട്ടികൾ പങ്കെടുക്കും. മന്ത്രി സി. പി.ജോൺ ഉദ്ഘാടനം ചെയ്യും. എൻ.ആർ.ഐ കൗൺസിൽ ദേശീയ ചെയർമാൻ പ്രവാസി ബന്ധു ഡോ. എസ്. അഹമ്മദ് അധ്യക്ഷത വഹിക്കും.മുൻ രാജ്യസഭാ ഡെപ്യൂട്ടി ചെയർമാൻ പ്രൊഫ: പി.ജെ.കുര്യൻ, മുൻ പ്രവാസി വകുപ്പ്മന്ത്രി എം.എം.ഹസൻ, ജില്ലാ പഞ്ചായത്ത് പ്രസിഡണ്ട് വി. പ്രിയദർശിനി, യു എസ്.എ ഫൊക്കാന വനിതാ വിഭാഗം കോ-ഓർഡിനേറ്റർ ഗീതാ ജോർജ്, ലിസി രഞ്ചിത് ചെന്നൈ, ശശി ആർ നായർ, ഷാജി എ.ആർ, റഷീദ് മാസ്റ്റർ കോഴിക്കോട്, കോശി അലക്സാണ്ടർ, കെ.എം. നാസർ കൊച്ചി, ജെലി ജോർജ് മാള, എം. നജീബ്, സി.പത്മകുമാർ എന്നിവർ പങ്കെടുക്കും. 2012 ൽ ആരംഭിച്ച വിദ്യാഭ്യാസ അവാർഡ് വിതരണം പതിനാലാം വർഷത്തിലേക്ക് കടന്നിരിക്കുന്നു. എസ്.എസ് എൽ സി / പ്ലസ് 2 വിഭാഗങ്ങളിൽ ഉന്നത വിജയം കുറിച്ച മടങ്ങിയെത്തിയവരുൾപ്പെടെയുള്ള പ്രവാസികളുടെ മക്കൾക്കായിട്ടാണു അവാർഡ് ഏർപ്പെടുത്തിയിരിക്കുന്നത്, കൂടാതെ സാമ്പത്തികമായി ബുദ്ധ്യമുട്ടുള്ള വിദ്യാർത്ഥികൾക്ക്
ധന സഹായവും നൽകുമെന്നു ദേശീയ ചെയർമാൻ ഡോ.എസ്. അഹമ്മദ് അറിയിച്ചു.