എം.എച്ച്. സുലൈമാന് ശംഖുമുദ്ര പുരസ്കാരം

തിരുവനന്തപുരം : പുലരി ടിവിയുടെ ഈ വർഷത്തെ ശംഖുമുദ്ര പുരസ്കാരത്തിന് എം. എച്ച്. സുലൈമാൻ അർഹനായി. കഴിഞ്ഞ 25 വർഷമായി കെട്ടിട നിർമ്മാണ രംഗത്ത് ബിൽഡിംഗ് ഡിസൈനിങ്, നിർമ്മാണം ഉൾപ്പെടെ വിവിധ പ്രവർത്തനങ്ങൾ മുൻനിർത്തിയാണ് ഇത്തവണ പുരസ്കാരം ലഭിക്കുന്നത്. പ്രമുഖ പ്രോഗ്രാം അവതാരകനും, പ്രേംനസീർ സുഹൃത് സമിതി വർക്കിംഗ് പ്രസിഡൻറും, ദേശീയ മലയാള വേദി ചീഫ് കോ-ഓർഡിനേറ്ററും, ദേശീയബാലതരംഗം താലൂക്ക് കോർഡിനേറ്ററുമായ എം. എച്ച്. സുലൈമാൻ ഇതിനകം മികച്ച പ്രോഗ്രാം അവതാരകനും, കലാസാംസ്കാരിക പ്രവർത്തകനുമുള്ള ഭാരത് സേവക് സമാജ് ദേശീയപുരസ്കാരം, പ്രേംനസീർ സാംസ്കാരിക നവോത്ഥാന പുരസ്കാരം, ദേശീയബാലതരംഗം കർമ്മ ശ്രേഷ്ഠ പുരസ്കാരം, ദേശീയ മലയാള വേദിയുടെ സലിൽ ചൗധരി സ്മാരക പുരസ്കാരം, ജനാധിപത്യ കലാ സാംസ്കാരിക വേദിയുടെ കർമ്മരത്നാപുരസ്കാരം തുടങ്ങി നിരവധി ബഹുമതികൾ നേടിയിട്ടുണ്ട്. ഈ വർഷത്തെ ശംഖുമുദ്ര പുരസ്കാരം മെയ് 27 ബുധനാഴ്ച തിരുവനന്തപുരം വൈ.എം.സി.എ. ഓഡിറ്റോറിയത്തിൽ നടക്കുന്ന ചടങ്ങിൽ വച്ച് സമർപ്പിക്കുമെന്ന് സംഘാടകർ അറിയിച്ചു.