എം. എച്ച്. സുലൈമാൻ ശംഖുമുദ്രാ പുരസ്കാരം ഏറ്റുവാങ്ങി

തിരുവനന്തപുരം : പുലരി ടിവിയുടെ ശംഖുമുദ്ര പുരസ്കാരം പ്രേംനസീർ സുഹൃത് സമിതി വർക്കിംഗ് പ്രസിഡൻറും, ദേശീയമലയാളവേദി ചീഫ് കോർഡിനേറ്ററും, ദേശീയബാലതരംഗം പ്രവർത്തകനുമായ എം. എച്ച്. സുലൈമാൻ ചലച്ചിത്രസംവിധായകൻ ടി. എസ്. സുരേഷ് ബാബുവിൽ നിന്നും ഏറ്റുവാങ്ങി. ചലച്ചിത്ര താരങ്ങളായ വഞ്ചിയൂർ പ്രവീൺ കുമാർ, രാജ്മോഹൻ, ഹരി സർഗം, ദീപാഷാനു സംവിധായകൻ സി. വി. പ്രേംകുമാർ, ഫിലിം പി.ആർ. ഓ. അജയ് തുണ്ടത്തിൽ, പ്രേംനസീർ സുഹൃത് സമിതി സംസ്ഥാന പ്രസിഡന്റ് തെക്കൻസ്റ്റാർ ബാദുഷ, പുലരി ടിവി സി.ഇ.ഒ. ജിട്രസ് യോഹന്നാൻ തുടങ്ങിയവർ പങ്കെടുത്തു. കെട്ടിട നിർമ്മാണ രംഗത്ത് 25 വർഷം പൂർത്തിയാക്കിയ എം. എച്ച്. സുലൈമാൻ പ്രമുഖ പ്രോഗ്രാം അവതാരകനും കൂടിയാണ്.