ലഹരിക്കെതിരെ ആയിരം തൂഫാൻ ഗോളുകളുമായി കാഞ്ഞങ്ങാട് സൗത്ത് സ്കൂൾ
ലഹരിക്കെതിരെ വിദ്യാർത്ഥികളിൽ ബോധവൽക്കരണം ലക്ഷ്യമിട്ട് കേരളാ പൊതുവിദ്യാഭ്യാസ വകുപ്പ് ആരംഭിച്ച ‘വൺ മില്യൺ തൂഫാൻ ഗോളുകൾ’ എന്ന പദ്ധതിയുടെ ഭാഗമായി കാഞ്ഞങ്ങാട് സൗത്ത് വി എച്ച് എസ് സ്കൂളിലും ഗോൾവർഷം.
2026-ലെ ഫിഫ ലോകകപ്പിനോട് അനുബന്ധിച്ച് സ്കൂൾ വിദ്യാർത്ഥികൾക്കിടയിൽ കായികക്ഷമത വർദ്ധിപ്പിക്കുന്നതിനും ലഹരിയോടുള്ള ആസക്തി കുറയ്ക്കുന്നതിനും പെനാൽറ്റി ഷൂട്ടൗട്ട്, ഫുട്ബോൾ ക്വിസ്, പ്രവചന മത്സരം എന്നിവ സംഘടിപ്പിച്ചു. എഴുപത് വയസ് കഴിഞ്ഞ ജാനകിയമ്മയുടെ ആവേശത്തോടു കൂടിയുള്ള പെനാൽറ്റി ഷൂട്ടൗട്ട് കാണികളിൽ കൗതുകവും സന്തോഷവും പരത്തി.
കാഞ്ഞങ്ങാട് നഗരസഭ വാർഡ് കൗൺസിലർ എൻ ഉണ്ണികൃഷ്ണൻ ഉദ്ഘാടനം ചെയ്തു. സ്കൂൾ പ്രഥമാധ്യാപകൻ എം ഗിരീഷൻ , പ്രിൻസിപ്പാൾ പി എസ് അരുൺ, സീനിയർ അസിസ്റ്റൻ്റ് സി ശാരദ, സ്റ്റാഫ് സെക്രട്ടറി രഞ്ജിത്, വിമുക്തി ക്ലബ് കോർഡിനേറ്റർ പി ദിലീപ് കുമാർ, എൻ എസ് എസ് പ്രോഗ്രാം ഓഫീസർ ആർ മഞ്ജു, കരിയർ മാസ്റ്റർ പി സമീർ സിദ്ദീഖി , കായികാധ്യാപകൻ കെ അബ്ദുൽ ഷുക്കൂർ, പി വേണുഗോപാലൻ, എ സന്തോഷ് കുമാർ, അബ്ദുൽ റഷീദ്, പി വി സുമതി, തുടങ്ങിയവരും എൻ എസ് എസ് വോളൻ്റിയർമാർ ഉൾപ്പെടെ വിദ്യാർത്ഥികളും അധ്യാപകരും ചേർന്ന് ആയിരത്തോളം ഗോൾ അടിച്ചു.