മാത്യു സി.ആര് അനുസ്മരണം സംഘടിപ്പിച്ചു
മാത്യു സി.ആര് അനുസ്മരണം സംഘടിപ്പിച്ചു
തിരുവനന്തപുരം: മാധ്യമപ്രവര്ത്തകനും കോണ്ഗ്രസ് സഹയാത്രികനുമായിരുന്ന മാത്യു സി.ആറിന്റെ വേര്പാടിന്റെ ഒന്നാം വാര്ഷികത്തില് പ്രിയ സഹപ്രവര്ത്തകന്റെ സ്മരണയ്ക്ക് മുന്നില് ആദരാഞ്ജലി അര്പ്പിച്ച് സുഹൃത്തുക്കളും പ്രമുഖ രാഷ്ട്രീയ നേതാക്കളും. തിരുവനന്തപുരം പ്രസ്ക്ലബ്ബില് സംഘടിപ്പിച്ച അനുസ്മരണ ചടങ്ങ് ആരോഗ്യ ദേവസ്വം മന്ത്രി കെ മുരളീധരന് ഉദ്ഘാടനം ചെയ്തു. മാധ്യമപ്രവര്ത്തകന് എന്ന നിലയിലും കോണ്ഗ്രസ് പ്രവര്ത്തകനെന്ന നിലയിലും മാത്യുവിന്റെ വിയോഗം നികത്താനാകാത്ത നഷ്ടമാണെന്ന് മന്ത്രി കെ.മുരളീധരന് അഭിപ്രായപ്പെട്ടു. മാത്യു സി.ആറിന്റ സ്മരണാര്ത്ഥം ആരംഭിക്കുന്ന എഐഎം ഫൗണ്ടേഷന് എന്ന ജീവകാരുണ്യ സംഘടനയുടെ ലോഗോ സഹകരണ എക്സൈസ് മന്ത്രി എം. ലിജു പ്രകാശനം ചെയ്തു. തലസ്ഥാന നഗരിയില് കെ.എസ്.യു. പ്രസ്ഥാനത്തിന്റെ പോരാട്ടവീര്യമുള്ള മുഖമായിരുന്നു മാത്യുവെന്ന് മന്ത്രി എം.ലിജു അനുസ്മരിച്ചു.
അഡ്വ. എം. മണികണ്ഠൻ അധ്യക്ഷനായി. എംഎല്എമാരായ എം.വിന്സെന്റ്, ചാണ്ടി ഉമ്മന്, എൻ .എച്ച്.എം. ഡയറക്ടർ അനു എസ്. നായർ, തിരുവനന്തപുരം ബാർ അസോസിയേഷൻ പ്രസിഡൻ്റ് അഡ്വ. ജി. ഗോപിദാസ് മുൻകാല കെ.എസ് യു. നേതാക്കളായ ചെമ്പഴന്തി അനിൽ, വിൻസെൻ്റ് ഡി. പോൾ, എസ് കൃഷ്ണകുമാർ, എം.എം താഹ, എം മുനീർ, കെ.എസ്. ഗോപകുമാർ, വിഷ്ണു ജെജെ നായർ എന്നിവരും സംസാരിച്ചു.