സി . എച്ച് സ്മരണിക ഇന്ന് ഖത്തറിൽ പ്രകാശനം ചെയ്യും

ദോഹ : കേരളത്തിലെ മുൻ മുഖ്യമന്ത്രിയും സാമൂഹ്യ പരിഷ്കർത്താവുമായ സി. എച്ച് മുഹമ്മദ് കോയ സാഹിബിന്റെ പേരിൽ തിരുവനന്തപുരം സി എച്ച് സ്മാരക സമിതി പുറത്തിറക്കിയ സ്മരണികയുടെ പ്രകാശന കർമ്മം ഇന്ന് ഖത്തറിന്റെ തലസ്ഥാനമായ ദോഹയിൽ നടക്കുന്നതാണ് . ജൂലൈ 2ന് വ്യാഴാഴ്ച വൈകിട്ട് 8 മണിക്ക് ദോഹയിലെ ഹൊറൈസൺ ഹോട്ടലിൽ നടക്കുന്ന ചടങ്ങിൽ വച്ച് വ്യവസായ പ്രമുഖരും ഇന്ത്യൻ യൂണിയൻ മുസ്ലിം ലീഗ് അഖിലേന്ത്യാ വൈസ് പ്രസിഡണ്ടും സഫാരി ഗ്രൂപ്പ് വൈസ് ചെയർമാനുമായ സഫാരി സൈനുൽ അബ്ദീനിൽ നിന്നും ഖത്തറിലെ മാധ്യമപ്രവർത്തകനും അറബി വിചക്ഷകനുമായ ഡോ. അമാനുള്ള വടക്കാങ്ങര ഏറ്റുവാങ്ങുന്ന ചടങ്ങിൽ സ്മാരക സമിതി വൈസ് ചെയർമാൻ മുഹമ്മദ് മാഹിൻ അധ്യക്ഷത വഹിക്കും . കെഎംസിസി നേതാക്കൾ പങ്കെടുക്കുമെന്ന് കൺവീനർ ആസിഫ് മുഹമ്മദ് അറിയിച്ചു.