വിവിധ നൈപുണ്യ പരിശീലന പരിപാടികളുടെ ഉദ്ഘാടനം നിർവഹിച്ചു

വിഴിഞ്ഞം: അദാനി വിഴിഞ്ഞം അന്താരാഷ്ട്ര തുറമുഖ പദ്ധതിയുടെ സാമൂഹ്യ പ്രതിബദ്ധതാ വിഭാഗത്തിന്റെ ഭാഗമായി തൊഴിൽ നൈപുണ്യ പരിശീലനം നൽകുന്ന അദാനി സ്കിൽ ഡെവലപ്പ്മെന്റ് വിഴിഞ്ഞം സെന്ററിന് കീഴിൽ വിവിധ കോഴ്സുകളിലെ പുതിയ ബാച്ചുകളുടെ ഉദ്ഘാടനം നടന്നു.

അദാനി വിഴിഞ്ഞം തുറമുഖ കോർപ്പറേറ്റ് അഭയേഴ്‌സ് ഹെഡ് Dr. അനിൽ ബാലകൃഷ്ണൻ പുതിയ ബാച്ചുകളുടെ ഉദ്ഘാടനം നിർവഹിച്ചു. അതുകൂടാതെ നിലവിൽ പരിശീലനംβ നേടുന്നവരിൽ കൃത്യനിഷ്ടത, അച്ചടക്കം, നല്ല സ്വഭാവരീതികൾ എന്നിവ മെച്ചപ്പെടുത്തുകയും പരിശീലിക്കുകയും അത് ശീലമാക്കുന്നതിന്റെ ഭാഗമായി അവതരിപ്പിച്ച “സമഗ്രശീലം” എന്ന കർമ പരിപാടിയിൽ വിജയികളായവരെയും ഓരോ ബാച്ചിലെ മികച്ച ഉദ്യോഗാർദികളെയും ഈ അവസരത്തിൽ അനുമോദിച്ചു.

അദാനി വിഴിഞ്ഞം തുറമുഖ സാമൂഹ്യ പ്രതിബദ്ധത വിഭാഗം മേധാവി ശ്രീ. സെബാസ്റ്റ്യൻ ബ്രിട്ടോ, സീനിയർ പ്രൊജക്റ്റ്‌ ഓഫീസർമാരായ സ്റ്റീഫൻ വിനോദ്, ജോർജ് സെൻ പി റ്റി എന്നിവർ സമഗ്രശീലം പരിപാടിയിലെ വിജയികൾക്കുള്ള മെഡലുകൾ വിതരണം ചെയ്തു.

അദാനി ഫൗണ്ടേഷൻ വിഴിഞ്ഞം ടീം അംഗങ്ങൾ പരിപാടിയിൽ പങ്കെടുത്തു. അദാനി സ്കിൽ ഡെവലപ്പ്മെന്റ് സെന്റർ സ്റ്റാഫ്‌ അംഗങ്ങൾ പരിപാടികൾക്ക് നേതൃത്വം നൽകി..