മുൻ മന്ത്രി പി.കെ കുഞ്ഞ് സാഹിബിനെ ജനം എന്നും ഓർക്കും : മന്ത്രി പി. കെ കുഞ്ഞാലിക്കുട്ടി

തിരുവനന്തപുരം : കേരളത്തിലെ ആദ്യത്തെ ധനകാര്യ മന്ത്രിയും സോഷ്യലിസ്റ്റ് നേതാവുമായിരുന്ന മുൻ മന്ത്രി പി കെ കുഞ്ഞ് സാഹിബിനെ ജനം എന്നും ഓർക്കുമെന്ന് മുസ്ലിം ലീഗ് ദേശീയ ജനറൽ സെക്രട്ടറിയും വ്യവസായ , ഐ ടി വകുപ്പ് മന്ത്രിയുമായ പി കെ കുഞ്ഞാലിക്കുട്ടി അഭിപ്രായപ്പെട്ടു . പി കെ കുഞ്ഞ് ഫൗണ്ടേഷൻ പുറത്തിറക്കിയ ജീവചരിത്രം പ്രകാശന കർമ്മം നിർവഹിച്ചു സംസാരിക്കുകയായിരുന്നു അദ്ദേഹം . കേരളത്തിന്റെ ധനകാര്യ ഭദ്രതയ്ക്ക് ഉതകുന്ന ലോട്ടറിയും ചിട്ടിയും എല്ലാം അദ്ദേഹത്തിന്റെ കാഴ്ചപ്പാടുകൾ ആയിരുന്നു . ഇപ്പോഴത്തെ ധനകാര്യ മന്ത്രിയും മുഖ്യമന്ത്രിയുമായ വി ഡി സതീശൻ അടക്കമുള്ളവർ അദ്ദേഹത്തിന്റെ പാത പിന്തുടരണം എന്ന് മന്ത്രി അഭിപ്രായപ്പെട്ടു . പി കെ കുഞ്ഞ് സാഹിബ് ഫൗണ്ടേഷൻ സെക്രട്ടറി കലാപ്രേമി മഹീനിൽ നിന്നും മന്ത്രി ആദ്യ കോപ്പി ഏറ്റുവാങ്ങി . മുസ്ലിം ലീഗ് നേതാക്കളായ അഡ്വ . കണിയാപുരം ഹലീം, ആലംകോട് ഹസ്സൻ , ആസിഫ് മുഹമ്മദ് തുടങ്ങിയവർ ചടങ്ങിൽ പങ്കെടുത്തു.