കുന്നുംപുറം ക്ഷേത്രത്തിൽ കലാനിധി പഞ്ചമുഖീരവം അരങ്ങേറി

തിരുവനന്തപുരം: മാറനല്ലൂർ കുന്നുംപുറം മഹാദേവർ ദുർഗാ ഭദ്രകാളി ക്ഷേത്രത്തിൽ കലാനിധി സെൻ്റർ ഫോർ ഇന്ത്യൻ ആർട്സ് & ഹെറിറ്റേജ് ട്രസ്റ്റിൻ്റെ ആഭിമുഖ്യത്തിൽ ‘പഞ്ചമുഖീരവം’ നൃത്ത സംഗീത വിസ്മയം അരങ്ങേറി. സിനിമ ടെലിവിഷൻ താരങ്ങളും കലാനിധി പ്രതിഭകളും പഞ്ചമുഖീരവത്തിൽ അണിനിരന്നു. ചലച്ചിത്ര സംവിധായകനും ചിത്രകാരനുമായ നേമം പുഷ്പരാജ് ഉദ്ഘാടനം ചെയ്തു. കലാനിധി ചെയർപേഴ്‌സണും മാനേജിംഗ് ട്രസ്റ്റിയുമായ ഗീതാ രാജേന്ദ്രൻ അധ്യക്ഷയായി. നടൻ എം.ആർ ഗോപകുമാർ മുഖ്യാഥിതിയായിരുന്നു.

ക്ഷേത്രത്തിലെ പഞ്ചമുഖി വിഗ്രഹ പ്രതിഷ്ഠയോടനുബന്ധിച്ച് നടന്ന സാംസ്ക്കാരിക സദസിൽ കലാനിധി ഏർപ്പെടുത്തിയ 2026 ലെ പ്രഥമ പഞ്ചമുഖിസാഹിത്യ സപര്യ പുരസ്ക്കാരം (25000 രൂപ, പ്രശസ്തിപത്രം, ശിൽപം) പ്രൊഫ. കെ.ജെ രമാഭായിക്ക് നേമം പുഷ്പരാജ് സമ്മാനിച്ചു. പഞ്ചമുഖി മാധ്യമ പുരസ്ക്കാരങ്ങളും ചടങ്ങിൽ വിതരണം ചെയ്തു.

മാധ്യമ പ്രവർത്തകരായ കെ.സതീഷ് ചന്ദ്രൻ, ശിവാകൈലാസ്, വിനോദ് ചിത്ത്, ഹരി പെരുങ്കടവിള, ഡി.റ്റി രാഗീഷ് രാജ, എം.കെ വിനോദ്, ആർ.എസ് ജിതേഷ്, ഗിരീഷ് കെ.നായർ എന്നിവർ മാധ്യമ പുരസ്ക്കാരങ്ങൾ ഏറ്റുവാങ്ങി. ക്ഷേത്ര മേൽശാന്തി വിഷ്ണു പോറ്റി, കലാനിധി ജനറൽ കൺവീനർ,സാഹിത്യകാരൻ പ്രദീപ് തൃപ്പരപ്പ്, ഗിരീഷ്. പി. എസ്. ഹരികുമാർ കെ.പി തുടങ്ങിയവർ സംസാരിച്ചു.. കലാനിധി പ്രോഗ്രാം കമ്മിറ്റി കൺവീനർ. രമ്യ S. ആർ. നന്ദി രേഖപ്പെടുത്തി