പാലിയേറ്റീവ് രോഗികൾക്ക് ഓണക്കിറ്റുകൾ വിതരണം ചെയ്തു

കാഞ്ഞങ്ങാട്*: ഓണത്തിന്റെ സന്തോഷം എല്ലാവരിലേക്കും എത്തിക്കുക എന്ന ലക്ഷ്യത്തോടെ ജിവിഎച്ച്എസ്എസ് കാഞ്ഞങ്ങാട് സൗത്തിലെ  എൻഎസ്എസ് യൂണിറ്റിന്റെ ആഭിമുഖ്യത്തിൽ പാലിയേറ്റീവ് രോഗികളുടെ വീടുകളിൽ ‘കനിവോണം’ ഓണക്കിറ്റുകൾ വിതരണം ചെയ്തു.

കനിവ് ചാരിറ്റബിൾ ട്രസ്റ്റ് പ്രസിഡന്റ്  ദാമോദരൻ, കാഞ്ഞങ്ങാട് നഗരസഭ കൗൺസിലർ എൻ. ഉണ്ണികൃഷ്ണൻ എന്നിവർ ചേർന്ന് കിറ്റുകളുടെ വിതരണോദ്ഘാടനം നിർവഹിച്ചു.

എൻഎസ്എസ് വോളൻ്റിയർമാർ രോഗികളുടെ വീടുകളിലെത്തി ഓണക്കിറ്റുകൾ നേരിട്ട് കൈമാറി. അരി, പലവ്യഞ്ജനങ്ങൾ, ഓണസദ്യക്കുള്ള സാധനങ്ങൾ എന്നിവയാണ് കിറ്റിൽ ഉൾപ്പെടുത്തിയത്.  കേവലം ഒരു  ഭക്ഷണ കിറ്റ് മാത്രമല്ല വിദ്യാർത്ഥികൾ  നൽകിയത് കേൾക്കാൻ ഒരു മനസ്സായിരുന്നു. കിടപ്പിലായ അമ്മമാരും അച്ഛന്മാരും കുട്ടികളെ കണ്ടപ്പോൾ കണ്ണുകൾ നിറഞ്ഞു കൈകൾ ചേർത്ത് പിടിച്ചു ഒപ്പം ഓണാശംസകളും നേർന്നു.

“ആരും തനിച്ചല്ല” എന്ന് അവരെ ഓർമ്മിപ്പിക്കാൻ ഈ ഒരു സന്ദർശനത്തിന് കഴിഞ്ഞു എന്നതായിരുന്നു ഏറ്റവും വലിയ സന്തോഷം.

പ്രിൻസിപ്പാൾ പി എസ് അരുൺ, എൻഎസ്എസ് പ്രോഗ്രാം ഓഫീസർ ആർ മഞ്ജു, ക്ലസ്റ്റർ കോർഡിനേറ്റർ പി സമീർ സിദ്ദീഖി , എലിയാമ്മ ജോസഫ് , സുബിതാശ്വതി, ശ്യാമിത പി പി, അശ്വനി ,നഴ്സിംഗ് അസിസ്റ്റന്റ് ലിത, വോളൻ്റിയർമാരായ ഫാത്തിമ, കെ എം സി ഷഫ്‌ന നഫീസത്ത്‌,അയന, ഷഹല താജു,റംലത്ത്, ത്രിഷ എച്ച് എച്ച് , ഷഹാന എൻ പി , ശ്രീനന്ദ ശ്രീനിവാസൻ , ഫാത്തിമത്ത് ഫിദ എന്നിവർ പരിപാടിയിൽ പങ്കെടുത്തു. “നോട്ട് മീ ബട്ട് യു “എന്ന എൻഎസ്എസ് മുദ്രാവാക്യം ഉയർത്തിപ്പിടിച്ചുകൊണ്ടുള്ള സേവന പ്രവർത്തനം എല്ലാവരുടെയും പ്രശംസ പിടിച്ചുപറ്റി.

സമൂഹത്തിലെ അവശത അനുഭവിക്കുന്നവർക്ക് കൈത്താങ്ങാകുക എന്നതാണ് ഈ പദ്ധതിയുടെ ലക്ഷ്യം