‘മാധ്യമങ്ങളും പോലീസും’ എന്ന വിഷയത്തിൽ നടന്ന സെമിനാർ മുൻ ഡി.ജി.പി. ജേക്കബ് പുന്നൂസ് ഐ.പി.എസ് ഉദ്ഘാടനം ചെയ്യുന്നു

കേരള പോലീസ് പെൻഷനേഴ്സ് അസോസിയേഷൻ സംസ്ഥാന കമ്മിറ്റിയുടെ ആഭിമുഖ്യത്തിൽ ‘മാധ്യമങ്ങളും പോലീസും’ എന്ന വിഷയത്തിൽ സെമിനാർ നടത്തി. തൈക്കാട് പോലീസ് ട്രെയിനിങ് കോളേജ് മൈൻഡ് ആഡിറ്റോറിയത്തിൽ നടന്ന സെമിനാർ മുൻ ഡി.ജി.പി. ജേക്കബ് പുന്നൂസ് ഐ.പി.എസ് ഉദ്ഘാടനം ചെയ്തു. മുൻ പോലീസ് സൂപ്രണ്ട് എ. കെ. വേണുഗോപാൽ അദ്ധ്യക്ഷത വഹിച്ചു. മുതിർന്ന മാധ്യമപ്രവർത്തകൻ എം.വി. നികേഷ് കുമാർ വിഷയാവതരണം നടത്തി. മാദ്ധ്യമ പ്രവർത്തകരായ മാർഷൽ വി. സെബാസ്റ്റ്യൻ, ആർ. പാർവതി ദേവി, പോലീസ് അസോസിയേഷൻ സംസ്ഥാന പ്രസിഡന്റ് ജി.പി. അഭിജിത്ത്, കെ.പി.ഒ.എ. തിരു: ജില്ലാ പ്രസിഡന്റ് ഡോ. ബി. സജികുമാർ എന്നിവർ പങ്കെടുത്തു സംസാരിച്ചു. പോലീസ് പെൻഷനേഴ്സ് അസോസിയേഷൻ സംസ്ഥാന ജനറൽ സെക്രട്ടറി കെ. രാജൻ സ്വാഗതവും സംസ്ഥാന നിർവ്വാഹക സമിതി അംഗം റ്റി. അനിൽ തമ്പി നന്ദിയും പറഞ്ഞു.

സസ്നേഹം

അനിൽ തമ്പി. റ്റി
ജില്ലാ സെക്രട്ടറി
KPPA തിരു: ജില്ല. (9656105006)