എൻ.ആർ.ഐ സുവർണ്ണ സംഗമം – 2025 രാജ്യസഭാ മുൻ ഡെപ്യൂട്ടി ചെയർമാൻ പ്രൊഫ: പി.ജെ. കുര്യൻ ഉത്ഘാടനം ചെയ്യുന്നു

തിരു: പ്രവാസികളുടെ തിരിച്ചു വരവിന്റെ ഒഴുക്ക് നോക്കാതെ കാലേ കൂട്ടി അവരുടെ ഉന്നമനത്തിന് ക്ഷേമ പദ്ധതികൾ നടപ്പിലാക്കുന്നത് അനിവാര്യമാണെന്നും മടങ്ങിയെത്തുന്ന പ്രവാസികൾക്ക് വേണ്ടി പുനരധിവാസ പദ്ധതികൾ  നിർബന്ധമാണെനമാണെന്നും മുൻ രാജ്യസഭാ ഡെപ്യൂട്ടി ചെയർമാൻ പ്രൊഫ:പി.ജെ.കുര്യൻ അഭിപ്രായപ്പെട്ടു.
എൻ.ആർ.ഐ. കൗൺസിൽ ഓഫ് ഇന്ത്യ സംഘടിപ്പിച്ച എൻ.ആർ.ഐ. സുവർണ്ണ സംഗമവും ആൾ കേരള ഗൾഫ് റിട്ടേണീസ് ഓർഗനൈസേഷന്റെ നാല്പതാമത് സ്ഥാപകദിനാഘോഷവും ഉദ്ഘാടനം ചെയ്യുകയായിരുന്നു അദ്ദേഹം.

തമ്പാനൂർ ടിമോറാ ഹോട്ടലിൽ നടന്ന സമ്മേളനത്തിൽ കടയ്ക്കൽ രമേഷ് അദ്ധ്യക്ഷത വഹിച്ചു.
കൗൺസിൽ ചെയർമാൻ പ്രവാസി ബന്ധു ഡോ. എസ്. അഹമ്മദ് മുഖ്യപ്രഭാഷണം നടത്തി. വേൾഡ് മലയാളി കൗൺസിൽ ജനറൽ സെക്രട്ടറി കെ.വിജയ ചന്ദ്രൻ, ശശി.ആർ. നായർ, വനിതാ കമീഷൻ അംഗംഅഡ്വ. ഇന്ദിര രവീന്ദ്രൻ, ഡോ. ഗ്ളോബൽ ബഷീർ, അബ്ദുള്ള ഹംസ കുവൈറ്റ്, ജോസ് കോലത്ത്, അഷ്റഫ് അബ്ദുൽ അസീസ് ഖത്തർ, താഹാ മുഹമ്മദ് ഖത്തർ, മദീന പി. തുടങ്ങിയവർ പ്രസംഗിച്ചു. ഉച്ചയ്ക്കു ശേഷം മൂന്നു മണിക്ക് ആരംഭിച്ച സെമിനാറിന് പ്രവാസിക്ഷേമ ബോർഡ് ഡെപ്യൂട്ടി
ജനറൽ മാനേജർ ജോസ്, നോർക്കാ – റൂട്ട്സ് പ്രോജക്ട് ഡയറക്ടർ ഫിറോസ് എന്നിവർ നേതൃത്വം നൽകി. നിരവധി പ്രവാസികളും മടങ്ങിയെത്തിയവരും പങ്കെടുത്തു. പ്രവാസികളുടെ ക്ഷേമപ്രവർത്തനങ്ങൾ ഊർജ്ജിതമാക്കാൻ
സർക്കാരുമായി സമവായം സൃഷ്ടിക്കുവാൻ ആഗ്രഹിക്കുന്നതായി സെമിനാറിൽ പങ്കെടുത്ത പ്രതിനിനിധികൾ ഒന്നടങ്കം ആവശ്യപ്പെട്ടു.എൻ.ആർ.ഐ. ഗ്ലോബൽ അച്ചീവ്മെന്റ്സ് എക്സലൻസ് അവാർഡുകൾ ഡോ.ഗീവർഗ്ഗീസ് യോഹന്നാൻ (ഒമാൻ)
അഷ്റഫ് അബ്ദുൽ അസീസ് (ഖത്തർ ), ജോസ് കോലത്ത് (അമേരിക്ക), അബ്ദുല്ല ഹംസ ( കുവൈറ്റ് ), ഡോ. മനോഫർ വള്ളക്കടവ് ദ്രുബായ് ), അഡ്വ. ഇന്ദിര രവീന്ദ്രൻ, കോശി അലക്സാണ്ടർ, മദീന, ഡോ.ജോൺസൻ ഡൊമിനിക്ക് (ഇറാക്ക്), കെ.പി. ഹരീന്ദ്രൻ ആചാരി (ദൽഹി), അഹമ്മദ് മുനീർ (തെലുങ്കാന ),
താഹ മുഹമ്മദ് ( ഖത്തർ ) തുടങ്ങിയവർ അവാർഡുകൾ സ്വീകരിച്ചു