മാനവികതയുടെ ശാക്തീകരണത്തിന് പ്രവാസികളുടെ സഹായം വിലപ്പെട്ടു കൊച്ചി മേയർ അഡ്വ. മിനിമോൾ

മാനവികതയുടെ ശാക്തീകരണത്തിന് പ്രവാസികളുടെ സഹായം വിലപ്പെട്ടു
കൊച്ചി മേയർ അഡ്വ. മിനിമോൾ
ജനിച്ചു വളർന്ന മണ്ണിനോടും ദേശത്തിനോടും നിതാന്തമായ ജാഗ്രത പുലർത്തിയ പ്രവാസികൾ മാനവികതയ്ക്ക് ശക്തി പകരുവാൻ കാണിച്ച തല്പരതയും സേവനങ്ങളും വിലമതിക്കാൻ കഴിയാത്തതും വിസ്മരിക്കുവാൻ പാടില്ലാത്തതുമാണെന്നു കൊച്ചി മേയർ അഡ്വ. മിനിമോൾ അഭിപ്രായപ്പെട്ടു.

ഭാരത പ്രവാസികളുടെ കേന്ദ്രീയ കൂട്ടായ്മ പ്രസ്ഥാനമായ എൻ.ആർ.ഐ. കൗൺസിൽ ഓഫ് ഇന്ത്യയുടേയും പ്രവാസി പെൻഷൻ ഹോൾഡേഴ്സ് അസ്സോസിയേഷന്റെയും സംസ്ഥാന നേതൃത്വ സംഗമം ഉദ്ഘാടനം ചെയ്ത്
സംസാരിക്കുകയായിരുന്നു മേയർ. കൗൺസിൽ ദേശീയ
ചെയർമാൻ പ്രവാസി ബന്ധു ഡോ.എസ്.അഹമ്മദ് അദ്ധ്യക്ഷത വഹിച്ചു.
മേയർ തുടർന്നു.
കാലത്തിനോടൊപ്പം കലികാലവും സർവ്വവ്യാപിയായ ഒരു കാലഘട്ടം. ജീവിതം ദുസ്സഹജമായിരുന്നു. സാമ്പത്തികരംഗം തകർച്ചയുടെ വക്കിൽ. ദാരിന്ദ്ര്യത്തിന്റെ കൊടും അന്തരീക്ഷം. ഇവിടെ ആശ്വാസത്തിന്റെ കാവൽക്കാരായി പ്രവാസി സമൂഹം എത്തി. ജനതയുടെ ക്ഷേമത്തിനും നാടിന്റെ നിലനില്പിനും പ്രവാസികളുടെ സാനിദ്ധ്യവും അവർ അദ്ധ്വാനിച്ചു നേടിയെടുത്ത വിദേശ ധനവും എന്ത് മാത്രം ആശ്വാസമായിരുന്നുവെന്നു നാം ഓർക്കേണ്ടതുണ്ട്. ഇന്നു കാണുന്ന നമ്മുടെ സംസ്ഥാനത്തിന്റെ സർവ്വ മേഖലകളിലെയും വളർച്ച പ്രവാസികളുടെ ത്യാഗത്തിന്റെ പ്രതീകമാണ്.
സംഘടിത ബോധം വരച്ചു കാണിച്ചു തന്ന പ്രവാസി ബന്‌ധു ഡോ. എസ്. അഹമ്മദിനെ ഒരു പ്രവാസി പോലും മറക്കരുത്. തിരസ്ക്കരിക്കരുത്. അദ്ദേഹം നിങ്ങൾക്ക് പകർന്നു തന്ന ശക്തിയും നേതൃത്വവും ജീവിതത്തിന്റെ ഒരു ഭാഗമായി പ്രവാസി സമൂഹം അംഗീകരിക്കണം. നാല്പത് വർഷത്തോളം പ്രവാസികളുടെ അവകാശ പോരാട്ടം നടത്തിയ അഹമ്മദ് ചരിത്ര താളുകളിൽ എന്നും സ്മരിക്കപ്പെടും മേയർ പ്രസ്താവിച്ചു.

പ്രവാസികളുടെ പ്രശ്നങ്ങളിൽ അതീവ തല്പരതയുള്ള ഒരു ജനകീയ നേതാവാണ് ഇന്നത്തെ കേരള മുഖ്യമന്ത്രി . അദ്ദേഹം പ്രവാസികളുടെ പ്രശ്നങ്ങൾ അറിയുന്ന ആളാണ്.ആ പ്രതീക്ഷ നൽകുന്നതിൽ എനിക്കു സന്തോഷം ഉണ്ട് – മേയർ തുടർന്നഭിപ്രായപ്പെട്ടു.

എറണാകുളം ഭാരത് ടൂറിസ്റ്റ് ഹോം കൺവെൻഷൻ ഹാളിൽ നടന്ന സമ്മേളനം മേയർ അഡ്വ.. മിനിമോൾക്ക് സമുചിതമായ സ്വീകരണം നൽകി. ജസ്റ്റിസ് കെ.നാരായണക്കുറുപ്പ് മുഖ്യപ്രഭാഷണം നടത്തി. കുവൈറ്റ് പ്രവാസിയും ദാലിയാ ഗ്രൂപ്പ് ചെയർമാനുമായ ഡോ.അബ്ദുള്ള ഹംസ മുഖ്യാതിഥിയായി പങ്കെടുത്ത്. നേപ്പാളിൽ നടന്ന ദേശീയ യോഗ മൽസരത്തിൽ സ്വർണ്ണ മെഡൽ നേടിയ പ്രവാസി കുടുംബാംഗമായ വൈഗ രാജേഷി നെയും സംഗീതത്തിൽ ഉന്നത സ്ഥാനം നേടിയ അംഗവൈകല്യ പരിമിതിയുള്ള
റിദാമോളേയും സമ്മേളനം ആദരിച്ചു. പ്രഥമ പ്രവാസി സംഘടനാ സ്ഥാപക നേതാക്കളേയും വിവിധ മേഖലകളിൽ പ്രശസ്തിയാർജ്ജിച്ച പ്രവാസി കുടുംബാ oഗങ്ങളേയും ആദരിക്കുകയുണ്ടായി. ടി.എം ഷാഫി കൊടുങ്ങല്ലൂർ, ആ വിക്കര സത്താർ, കെ.എൻ.എ. അമീർ, റജീന പാലക്കാട്, ഷാഹിദ എറണാകുളം, ഇമേജ് നജീബ് വാൻ, വില്ലറ്റ് കൊറേ യ, ബെന്നി കാവാലം കുഴി, ബഷീർ കൊല്ലത്ത് വീട്ടിൽ, കെ.എം നാസർ തണൽ പരിവാർ തുടങ്ങിയവർ സംബന്ധിച്ചു ആശംസകൾ നേർന്നു.

ചികിത്സാ സഹായം
നൽകി
________________________
പ്രഥമ പ്രവാസിസംഘടനയായ ആൾ കേരള ഗൾഫ് റിട്ടേണീസ് ഓർഗനൈസേഷന്റെ കോട്ടയം ജില്ലാ സെക്രട്ടറിയായി ദീർഘകാലം പ്രവർത്തിച്ച ചങ്ങനാശ്ശേരി സ്വദേശി മുരുകനാചാരിയുടെ ചികിത്സാ ചിലവുകൾക്കായി എൻ.ആർ.ഐ. കൗൺസിൽ ആദ്യ ഗഡുവായി അര ലക്ഷം രൂപാ ദേശീയ ചെയർമാൻ പ്രവാസി ബന്ധു ഡോ.എസ്. അഹമ്മദ് ചങ്ങനാശേരി തുരുത്തിയിലുള്ള മുരുകന്റെ വസതിയിലെത്തി ഏൽപ്പിച്ചു. സ്വന്തമായി വീടില്ലാത്ത മുരുകന്
വീട് പണിയാനായി മൂന്നു സെന്റ് ഭൂമി ദാനം ചെയ്ത ടോം ജോസ്, സംഘടനാ ഭാരവാഹികളായ ലത്തീഫ് എറണാകുളം, സുലൈമാൻ ഖനി വിഴിഞ്ഞം എന്നിവർ സന്നിഹിതരായി.. മുരുകനു വേണ്ടി ഭവനം നിർമ്മിക്കുവാൻ ആവശ്യമായ സഹായം കൗൺസിൽ നൽകുമെന്നു ദേശീയ ചെയർമാൻ പ്രവാസി ബന്ധു ഡോ.അഹമ്മദ് നാട്ടുകാർ നേതൃത്വം നൽകുന്ന കർമ്മ സമിതിക്ക് ഉറപ്പ് നൽകി.