ബിന്ദുവിന് സർക്കാർ ജോലി നൽകി സംരക്ഷിക്കുക.

പേരൂർക്കട പോലീസ് 20 മണിക്കൂർ നിരപരാധിയായ പട്ടികജാതി വനിതയെ കുടിവെള്ളം പോലും കൊടുക്കാതെ ചോദ്യം ചെയ്തു‌ പീഡിപ്പിച്ച് തൊഴിൽ നഷ്‌ടപ്പെടുത്തിയതിന് നഷ്ട്‌ടപരിഹാരമായി സർക്കാർ ജോലി ബിന്ദു വിന് നൽകി അവരെ സംരക്ഷിക്കണമെന്ന് കെ.പി.എം.എസ്. ആവശ്യപ്പെട്ടു. ബിന്ദുവിനെ പോലീസ് സ്റ്റേഷനിൽ പാർപ്പിച്ച് ക്രൂരമായി അപമാനിച്ച എസ്. ഐ. ഉൾപ്പെടെയുള്ള പോലീസ് ഉദ്യോഗസ്ഥരെ സർവ്വീസിൽ നിന്നും പിരിച്ചു വിടുക. ഓമന ഡാനിയേലിനെതിരെ അട്രോസിറ്റീസ് ആക്ട് അനുസരിച്ച് കേസ് രജിസ്റ്റർ ചെയ്യുക, തുടങ്ങിയ ആവശ്യങ്ങൾ ഉന്നയിച്ചുകൊണ്ട് സെക്രട്ട റിയേറ്റ് ധർണ നടത്തുകയായിരുന്നു കെ.പി.എം.എസ്. ധർണ്ണ കെ.പി.എം.എ സ്. രക്ഷാധികാരി കെ.വിദ്യാധരൻ ഉദ്ഘാടനം ചെയ്‌തു. സംസ്ഥാന പ്രസി ഡൻ്റ് സി.രാജപ്പൻ അദ്ധ്യക്ഷത വഹിച്ചു. ജനറൽ സെക്രട്ടറി ആലംകോട് സുരേന്ദ്രൻ, സംഘടനാ സെക്രട്ടറി സുരേഷ് ബാബു, ട്രഷറർ കെ.എ.സിബി, നേതാക്കളായ ചിറ്റയം രാമചന്ദ്രൻ, സുധീർ കുഴിവിള, സി.കെ. രാജൻ, കാർഷികകോളേജ് രാജൻ, ചെറുവയ്ക്കൽ തുളസീധരൻ തുടങ്ങിയവർ സംസാരിച്ചു.

ആവശ്യങ്ങൾ അംഗീകരിച്ചില്ലെങ്കിൽ തുടർ സമരപരിപാടിയുമായി പി.എം.എസ്. മൂന്നോട്ടുപോകുമെന്ന് നേതാക്കൾ അറിയിച്ചു.