ജീവിതം പുണ്യകർമ്മങ്ങളിലൂടെ സഫലമാക്കുക കാരുണ്യത്തിന്റെ പൂക്കൾ വിരിയുന്ന റംസാൻ മാസത്തേക്കാൾ

മറ്റുള്ളവർക്ക് നന്മ ചെയ്യാൻ ഉചിതമായ അവസരം വേറൊന്നില്ല. ആത്മപരിശോധനയ്ക്കും സംസ്കരണത്തിനും അവസരം ഒരുക്കിയാണ് പുണ്യ മാസത്തിന്റെ ആകമാനം. ഉണ്ണാൻ ഇല്ലാത്തവനെയും ഉടുക്കാൻ ഇല്ലാത്തവനെയും കുറിച്ചെല്ലാം ഉള്ളുതുറന്നു ചിന്തിക്കാനും അവരെ അകമഴിഞ്ഞ് സഹായിക്കാനും ഈ നോമ്പുകാലം നമുക്ക് പ്രയോജനപ്പെടുത്താം. നബി തിരുമേനി അനുഗ്രഹീതനാണ്. ത്യാഗത്തിലൂടെ ജീവിതം സഫലമാക്കാനാണ് നമ്മെ പഠിപ്പിച്ചത്. കിട്ടുന്നതെല്ലാം ഒറ്റയ്ക്ക് തിന്നും ധൂർത്തടിച്ചു ജീവിക്കുന്നവർ മനുഷ്യരല്ല. അവർക്ക് സഹജീവികളുടെ സങ്കടത്തെക്കുറിച്ച് ഓർമിക്കാൻപോലും കഴിയില്ല. മനുഷ്യർ അങ്ങനെ ആകരുത്. അവർ പങ്കുവെച്ച് ജീവിക്കണം. റംസാൻ കാലം നമ്മെ ഓർമ്മപ്പെടുത്തിയത് ഇത്തരം നന്മകളെകുറിച്ചാണ്. സ്നേഹമാണ് അഖിലസാരമൂഴിയിൽ എന്ന കവി വചനം മറക്കാതിരിക്കുക.

Sri Hercules Abdul Latheef

Owner, Director

Hercules Group