ജയിംസ് ബോണ്ട് ചിത്രങ്ങളിലൂടെ ലോകപ്രശസ്തനായ ഹോളിവുഡ് നടന് ഡാനിയല് ക്രെയ് ഗിനെ ആദരിച്ച് ബ്രിട്ടീഷ് റോയല് നേവി
ജയിംസ് ബോണ്ട് നായകന് ബഹുമാന സൂചകമായി കമാന്ഡര് പദവി നല്കി ആദരിച്ചു.“ഓണററി കമാന്ഡര് ഡാനിയല് ക്രെയ്ഗിന് നേവിയിലേക്ക് സ്വാഗതം. 15 വര്ഷമായി സിനിമയില്, ക്രെയ്ഗിന്റെ ബോണ്ട് ബ്രിട്ടീഷ് ചാരസംഘടനയ്ക്കുവേണ്ടി ലോകം മുഴുവന് യാത്ര ചെയ്ത് ശത്രുക്കളുടെ പദ്ധതികള് തകര്ക്കുകയാണ്. ഇതു തന്നെയാണ് നേവിയും ചെയ്യുന്നത്- “റോയല് നേവി അഡ്മിറല് സര് ആന്റണി ഡേവിഡ് റഡാക്കിന് വ്യക്തമാക്കി .2006 ലെ കാസിനോ റൊയലേ മുതലാണ് ക്രെയ്ഗ് ജെയിംസ് ബോണ്ട് ചിത്രങ്ങളുടെ ഭാഗമാകുന്നത്. പിന്നീട് സ്പെക്റ്റര്, ക്വാണ്ടം ഓഫ് സൊളേസ്, സ്കൈഫാള് തുടങ്ങിയ ചിത്രങ്ങളില് ബോണ്ട് വേഷത്തിലെത്തി. ബോണ്ട് പരമ്ബരയിലെ 25-ാം ചിത്രമായ നോ ടൈം ടു ഡൈയിലാണ് ക്രെയ്ഗ് ഒടുവിലായി അഭിനയിച്ചത് . ചിത്രം സെപ്തംബര് 30 ന് യുകെയിലും, ഒക്ടോബര് 8 ന് യുഎസിലും റിലീസ് ചെയ്യുമെന്നാണ് റിപ്പോര്ട്ട് .