സംസ്ഥാനത്ത് വാഹന പരിശോധന കര്ശനമാക്കി മോട്ടോര് വാഹന വകുപ്പും പൊലീസും
റോഡ് സുരക്ഷാചരണ മാസത്തില് പ്രത്യേക നിരീക്ഷണം നടത്താനുള്ള കേരള റോഡ് സുരക്ഷ അതോറിറ്റിയുടെ നിര്ദേശത്തെ തുടര്ന്നാണ് പരിശോധന ശക്തമാക്കിയത്.ഫെബ്രുവരി ആറുവരെ ഹെല്മറ്റ്, സീറ്റ് ബെല്റ്റ് പരിശോധനകള്ക്കാണ് പ്രാധാന്യം നല്കുക. പത്തുമുതല് 13 വരെ അതിവേഗത്തില് പോകുന്ന വാഹനങ്ങള്ക്കെതിരെ നടപടിയെടുക്കും. വിദ്യാലയ പരിധിയില് പ്രത്യേക ശ്രദ്ധ നല്കും.ഏഴ് മുതല് 17 വരെ മദ്യപിച്ച് വാഹനമോടിക്കല്, ഡ്രൈവിംഗ് വേളയില് ഫോണ് ഉപയോഗിക്കല്, അനധികൃത പാര്ക്കിംഗ്, സീബ്രാ ലൈന് ക്രോസിംഗില് കാല്നടയാത്രക്കാര്ക്ക് പരിഗണന നല്കാതിരിക്കുക, സിഗ്നലുകള് പാലിക്കാതിരിക്കുക തുടങ്ങിയ നിയമ ലംഘനങ്ങള്ക്കെതിരെ പരിശോധന വര്ധിപ്പിക്കും.