ലോകകപ്പ് യോഗ്യതാ റൗണ്ടില്‍ ബ്രസീലിന് ഒരു വിജയം കൂടെ
സൂപ്പര്‍ താരമായ നെയ്മര്‍ ഇല്ലാതെ ഇറങ്ങിയ ബ്രസീല്‍ വെനിസ്വേലയെ ആണ് ഇന്ന് തോല്‍പ്പിച്ചത്. ബ്രസീലില്‍ വെച്ച്‌ നടന്ന മത്സരത്തില്‍ എതിരില്ലാത്ത ഒരു ഗോളിനാണ് ബ്രസീല്‍ വിജയിച്ചത്. അത്ര എളുപ്പമായിരുന്നില്ല ബ്രസീലിന്റെ ഇന്നത്തെ വിജയം. പന്ത് കൈവശം വെക്കാന്‍ കഴിഞ്ഞു എങ്കിലും വെനിസ്വേലക്ക് എതിരെ അധികം അവസരങ്ങള്‍ ഉണ്ടാക്കാന്‍ ബ്രസീലിനായില്ല.അവസാനം 66ആം മിനുട്ടില്‍ ബ്രസീലിന്റെ ഒരു ക്രോസ് ഫര്‍മീനോയുടെ കാലില്‍ എത്തുക ആയിരുന്നു. എളുപ്പത്തില്‍ പന്ത് വലയിലേക്ക് എത്തിക്കാന്‍ ഫര്‍മീനോയ്ക്ക് ആയി. ഈ വിജയത്തോടെ ബ്രസീലിന് 3 മത്സരങ്ങളില്‍ ഒമ്ബത് പോയിന്റായി. ബ്രസീല്‍ തന്നെയാണ് ഒന്നാമത് നില്‍ക്കുന്നതും. അടുത്ത മത്സരത്തില്‍ ഉറുഗ്വേയെ ആണ് ബ്രസീല്‍ നേരിടേണ്ടത്.