പെരുമാതുറ എന്ന കൊച്ചു ഗ്രാമത്തിൽ നിന്നും കൊൽക്കത്ത ഈസ്റ്റ് ബംഗാൾ എഫ് സി എന്ന ക്ലബ്ബിൽ
പെരുമാതുറ എന്ന കൊച്ചു ഗ്രാമത്തിൽ നിന്നും ഗോകുലം കേരള എഫ് സി എന്ന പ്രമുഖ ക്ലബ്ബ് വഴി ഇന്ത്യയിലെ ഏറ്റവും പഴക്കം ചെന്ന ക്ലബ്ബുകളിൽ ഒന്നും ഇന്ത്യയിലെ ഏറ്റവും പ്രമുഖ ക്ലബ്ബുകൾ ഒന്നുമായ കൊൽക്കത്ത ഈസ്റ്റ് ബംഗാൾ എഫ് സി എന്ന ക്ലബ്ബിൽ എത്തപ്പെട്ട പെരുമാതുറയിൽ നിന്നുള്ള ആദ്യ വ്യക്തി കൂടിയായ മുഹമ്മദ് ബിലാലിനെ ജന്മനാട് ആദരിക്കുന്ന ചടങ്ങിൽ അദ്ദേഹത്തിന്റെ മാതാവ് റാഫ് ഖാൻ ബിലാലിന് വേണ്ടി പെരുമാതുറ കൂട്ടായ്മയുടെ ഈ സ്നേഹാദരവ് ഇന്നലെ (12-7-2026) ഏറ്റുവാങ്ങുമ്പോൾ മുഹമ്മദ് ബിലാൽ ഈസ്റ്റ് ബംഗാളിന് വേണ്ടി കൊൽക്കത്ത ഫുട്ബോൾ ലീഗിൽ തന്റെ ആദ്യത്തെ മത്സരത്തിൽ പങ്കെടുക്കാൻ തയ്യാറെടുക്കുകയായിരുന്നു. ലീഗിലെ തങ്ങളുടെ ഉദ്ഘാടന മത്സരത്തിൽ ഇന്നലെ ജോർജ് ടെലിഗ്രാഫ് SC എന്ന ക്ലബ്ബിനെതിരെ 2-0 ന് മുന്നിട്ട് നിൽക്കെ രണ്ടാം പകുതിയിൽ ഈസ്റ്റ് ബംഗാൾ ക്ലബ്ബ് മുഹമ്മദ് ബിലാലിനെ പകരക്കാരനായി കളിക്കളത്തിൽ ഇറക്കി. അങ്ങനെ ക്ലബ്ബിന് വേണ്ടി തന്റെ അരങ്ങേറ്റ മത്സരത്തിൽ തന്നെ ഗോൾ സ്കോർ ചെയ്തു (ഈസ്റ്റ് ബംഗാളിന് 3-0 ജയം) കൊണ്ട് മുഹമ്മദ് ബിലാൽ തുടക്കം ഗംഭീരമാക്കിയിരിക്കുകയാണ്. അഭിനന്ദനങ്ങൾ