ദുബൈ ഭരണാധികാരി ശൈഖ് മുഹമ്മദ് ബിന് റാശിദ് ആല്മക്തൂം കോവിഡ് വാക്സിന് സ്വീകരിച്ചു
അദ്ദേഹം തന്നെയാണ് വിവരം ട്വിറ്ററിലൂടെ അറിയിച്ചത്. യു.എ.ഇയില് വാക്സിന് ലഭ്യമാക്കാന് അക്ഷീണം പ്രവര്ത്തിച്ചവരെ അദ്ദേഹം അഭിനന്ദിച്ചു.ദൈവം എല്ലാവരെയും സംരക്ഷിക്കട്ടെയെന്നും എല്ലാവരുടെയും അസുഖങ്ങള് ഭേദമാവട്ടെയെന്നും അദ്ദേഹം പറഞ്ഞു. യു.എ.ഇയില് വാക്സിന് ലഭ്യമാക്കാന് കഴിഞ്ഞതില് അഭിമാനിക്കുന്നു. ലോകത്ത് ആദ്യമായി കോവിഡ് വാക്സിന് അനുമതി നല്കിയ രാജ്യങ്ങളില് ഒന്നാണ് യു.എ.ഇ. അതിനായി പ്രയത്നിച്ചവരെയും സ്വീകരിക്കാന് മുന്കൈയെടുത്തവരെയും അഭിനന്ദിക്കുന്നു. യു.എ.ഇയുടെ ഭാവി ശോഭനമാണെന്നും അദ്ദേഹം പറഞ്ഞു.