വഴി തെറ്റിയെത്തിയ ചൈനീസ് സൈനികനെ ഇന്ത്യ തിരിച്ചേല്‍പ്പിച്ചു
ഇന്നലെ രാത്രിയോടെയാണ് സൈനികനെ ഇന്ത്യ കൈമാറിയത്. കോര്‍പറല്‍ വാംഗ് യാ ലോംഗ് എന്ന സൈനികനെ തിങ്കളാഴ്‌ചയാണ് സൈന്യം പിടികൂടിയത്. അദ്ദേഹത്തിന്റെ കൈയിലുണ്ടായിരുന്ന രേഖകളടക്കം പരിശോധിച്ച ശേഷമാണ് വിട്ടയച്ചത്.
Chinese Corporal Wang Ya Long, who had strayed across the LAC into the Indian territory in Demchok area in eastern Ladakh on the 19th Oct was returned to the Chinese side by the Indian Army late last night in the Chushul-Moldo general area. @IndianExpress
– Krishn Kaushik (@Krishn_) October 21, 2020
മെയ് ആദ്യം മുതല്‍ കിഴക്കന്‍ ലഡാക്ക് മേഖലയില്‍ ഇരുപക്ഷവും കടുത്ത സൈനിക സംഘട്ടനത്തില്‍ ഏര്‍പ്പെടുന്നതിടെയായിരുന്നു ഈ സംഭവം. ഇരുവിഭാഗവും 50,000 സൈനികരെ വീതം വിന്യസിച്ചിട്ടുണ്ട്, കൂടാതെ അധിക പീരങ്കികള്‍, ടാങ്കുകള്‍, വ്യോമ പ്രതിരോധ സ്വത്തുക്കള്‍ എന്നിവ സ്ഥാപിച്ചിട്ടുണ്ട്.
ചൈനീസ് സൈന്യത്തിന് കൈമാറുന്നതിന് മുമ്ബ് സൈനികനെ വിശദമായി ചോദ്യം ചെയ്‌തുവെന്ന് സൈനിക വൃത്തങ്ങള്‍ അറിയിച്ചു. സൈനികനെ ചൈനയിലേക്ക് തിരിച്ചയക്കുമെന്ന് ഇന്നലെ തന്നെ സൈന്യം വ്യക്തമാക്കിയിരുന്നു. ഓക്സിജന്‍, ഭക്ഷണം, കമ്ബിളി വസ്ത്രങ്ങള്‍ എന്നിവ ഉള്‍പ്പടെയുളള വൈദ്യസഹായം ഇന്ത്യ അദ്ദേഹത്തിന് നല്‍കി.
ഒക്ടോബര്‍ 18ന് വൈകുന്നേരം പ്രദേശവാസികളുടെ അഭ്യര്‍ഥന പ്രകാരം കന്നുകാലികളെ വീണ്ടെടുക്കാന്‍ സഹായിക്കുന്നതിനിടെയാണ് സൈനികനെ കാണാതായതെന്നാണ് ചൈനീസ് സേന പറയുന്നത്. സൈനികനെ കാണാതായ വിവരം അതിര്‍ത്തിയിലെ ചൈനീസ് സൈനികര്‍ ഇന്ത്യന്‍ സേനയെ അറിയിച്ചിരുന്നു. സൈനികനെ ഇന്ത്യ ഉടന്‍ കൈമാറുമെന്ന് പ്രതീക്ഷിക്കുന്നതായി വെസ്റ്റേണ്‍ തിയറ്റര്‍ കമാന്‍ഡ് വക്താവ് സീനിയര്‍ കേണല്‍ ഷാങ് ഷുയിലി കഴിഞ്ഞ ദിവസം വ്യക്തമാക്കിയിരുന്നു.
പ്രശ്നങ്ങള്‍ പരിഹരിക്കുന്നതിനായി ഇരുരാജ്യങ്ങളും സൈനിക, നയതന്ത്ര ചര്‍ച്ചകളില്‍ ഏര്‍പ്പെട്ടിട്ടുണ്ട്. എന്നിരുന്നാലും, കോര്‍പ്സ് കമാന്‍ഡര്‍മാരുടെ തലത്തില്‍ ഏഴ് ഘട്ടങ്ങളായി നടന്ന ചര്‍ച്ചകള്‍ ഇതുവരെ ഫലം കണ്ടിട്ടില്ല. മുതിര്‍ന്ന സൈനിക മേധാവികളുടെ എട്ടാം റൌണ്ട് യോഗം ഈ ആഴ്ച നടക്കുമെന്ന് കരുതുന്നു, പക്ഷേ തീയതി ഇനിയും തീരുമാനിച്ചിട്ടില്ല.