ചാന്നാങ്കര എം പി കുഞ്ഞ് തലസ്ഥാനത്തിന്റെ ജീവകാരുണ്യ മുഖം : രമേശ് ചെന്നിത്തല കേരള സഹൃദയ വേദി ചാന്നാങ്കര എം പി കുഞ്ഞ് മെമ്മോറിയൽ ഔട്ട് സ്റ്റാൻഡിങ് സോഷ്യൽ സർവീസ് അവാർഡ് 2026 അജ്ഫാൻ ഗ്രൂപ്പ് ചെയർമാൻ നെച്ചികാട്ട് മുഹമ്മദ് കുട്ടിക്ക് ആഭ്യന്തര മന്ത്രി രമേശ് ചെന്നിത്തല സമ്മാനിച്ചു.
ചാന്നാങ്കര എം പി കുഞ്ഞ് തലസ്ഥാനത്തിന്റെ ജീവകാരുണ്യ മുഖം : രമേശ് ചെന്നിത്തല കേരള സഹൃദയ വേദി ചാന്നാങ്കര എം പി കുഞ്ഞ് മെമ്മോറിയൽ ഔട്ട് സ്റ്റാൻഡിങ് സോഷ്യൽ സർവീസ് അവാർഡ് 2026 അജ്ഫാൻ ഗ്രൂപ്പ് ചെയർമാൻ നെച്ചികാട്ട് മുഹമ്മദ് കുട്ടിക്ക് ആഭ്യന്തര മന്ത്രി രമേശ് ചെന്നിത്തല സമ്മാനിച്ചു.
തിരുവനന്തപുരം : തലസ്ഥാനത്തെ സാമൂഹ്യ- -സാംസ്കാരിക ജീവകാരുണ്യ- രാഷ്ട്രീയ മേഖലകളിൽ വ്യക്തിമുദ്ര പതിപ്പിച്ച കേരള സഹൃദയ വേദി സ്ഥാപക പ്രസിഡന്റ് ചാന്നാങ്കര എം പി കുഞ്ഞ് ഓർമ്മയായിട്ട് ഒരു വർഷം പിന്നിടുന്നു.
തലസ്ഥാന നഗരിയിൽ എഴുന്നൂറോളം പരിപാടികൾ സംഘടിപ്പിച്ച് അനേകം പ്രമുഖ വ്യക്തിത്വങ്ങൾക്ക് അവാർഡുകൾ വിതരണം ചെയ്ത്, ഒട്ടനവധി വിദ്യാർത്ഥികൾക്ക് പ്രോത്സാഹനം നൽകിയ മുസ്ലിം ലീഗിന്റെ സംസ്ഥാന പ്രവർത്തക സമിതി അംഗവുമായിരുന്ന ചാന്നാങ്കര എം പി കുഞ്ഞിന്റെ ഒന്നാം അനുസ്മരണം തിരുവനന്തപുരത്ത് കേരള സഹൃദയവേദിയും ചാന്നാങ്കര എം പി കുഞ്ഞ് ഫൗണ്ടേഷനും സംയുക്തമായി സംഘടിപ്പിച്ചു. കേരള സഹൃദയ വേദി ചാന്നാങ്കര എം പി കുഞ്ഞ് മെമ്മോറിയൽ ഔട്ട് സ്റ്റാൻഡിങ് സോഷ്യൽ സർവീസ് അവാർഡ് 2026 അജ്ഫാൻ ഗ്രൂപ്പ് ചെയർമാൻ നെച്ചികാട്ട് മുഹമ്മദ് കുട്ടിക്ക് ആഭ്യന്തര മന്ത്രി രമേശ് ചെന്നിത്തല സമ്മാനിച്ചു.
പ്രോഗ്രാം കമ്മിറ്റി ചെയർമാൻ കണിയാപുരം ഹലിമിന്റെ അധ്യക്ഷതയിൽ കേരള സഹൃദയ വേദി പ്രസിഡന്റ് അൻവർ പള്ളിക്കൽ സ്വാഗതം പറഞ്ഞു.
വ്യവസായ വകുപ്പ് മന്ത്രി പി. കെ. കുഞ്ഞാലിക്കുട്ടി അനുസ്മരണ സമ്മേളനം ഉദ്ഘാടനം ചെയ്തു. ഗതാഗത വകുപ്പ് മന്ത്രി
സി. പി. ജോൺ, മുൻ മന്ത്രി എം. എം. ഹസ്സൻ , ഉബൈദുള്ള എക്സ് എം. എൽ. എ, അഡീഷണൽ ചീഫ് സെക്രട്ടറി ജ്യോതിലാൽ ഐ എ എസ്,
നിർമിതി കേന്ദ്ര സി. ഇ. ഒ അഡ്വ.ഫെബി വർഗീസ്, മുൻ അഡീഷണൽ
ചീഫ് സെക്രട്ടറി
ടി. ബാലകൃഷ്ണൻ ഐ. എ. എസ്, ഫറാസ് മാറ്റപ്പള്ളി , ഷൈല എം പി എന്നിവർ സംസാരിച്ചു.