കലാ പ്രേമി മാഹീന് ഗള്ഫ് ഇന്ത്യാ ഫ്രണ്ട്ഷിപ്പ് അസോസിയേഷന്റെ ആദരം
ദോഹ: മാധ്യമ രംഗത്തും സാമൂഹ്യ സാംസ്കാരിക സേവന മേഖലകളിലുമുള്ള സംഭാവനകള് പരിഗണിച്ചാണ് ആദരം. തിരുവനന്തപുരം ആസ്ഥാനമായി പ്രവര്ത്തിക്കുന്ന കലാപ്രമി പത്രത്തിന്റെ ചെയര്മാനായ മാഹീന് കൃപ ചാരിറ്റബിള് സൊസൈറ്റി, പ്രവാസി ലീഗ്, ഇന്തോ അറബ് കള്ചറല് സെന്റര് തുടങ്ങി വിവിധ മേഖലകളിലായി സേവന രംഗത്ത് സജീവമാണ് .
മീഡിയ പ്ലസ് ഓഫീസില് സംഘടിപ്പിച്ച ചടങ്ങില് ന്യൂ ഗുഡ് വില് കാര്ഗോ മാനേജിങ് ഡയറക്ടര് മുഹമ്മദ് നൗഷാദ് അബു മാഹീനെ പൊന്നാടയണിയിച്ച് ആദരിച്ചു. ഖത്തര് ടെക് മാനേജിങ് ഡയറക്ടര് ജെബി കെ. ജോണ് , ദോഹ ബ്യൂട്ടി സെന്റര് മാനേജിങ് ഡയറക്ടര് ഡോ. ഷീല ഫിലിപ്പോസ്, വിജയമന്ത്രങ്ങളുടെ അവതാരകന് റാഫി പാറക്കാട്ടില്, മീഡിയ പ്ലസ് സി.ഇ.ഒ ഡോ. അമാനുല്ല വടക്കാങ്ങര, മാര്ക്കറ്റിംഗ് മാനേജര് മുഹമ്മദ് റഫീഖ്, ക്രിയേറ്റീവ് അസോസിയേറ്റ് സൈനുല് ആബിദ് , കലാപ്രേമി കോ-ഓര്ഡിനേറ്റര് ആസിഫ് മുഹമ്മദ് എന്നിവര് ചടങ്ങില് പങ്കെടുത്തു.