ഗുരുവായൂരില് കലാനിധിയുടെ 30-ാം വാര്ഷികാഘോഷം; ജൂലൈ 11, 12 തീയതികളില് സാംസ്കാരിക മഹാമഹം
ഗുരുവായൂര്: ഭാരതീയ കലകളുടെയും പൈതൃകത്തിന്റെയും സംരക്ഷണത്തിനും പ്രചാരണത്തിനുമായി പ്രവര്ത്തിക്കുന്ന കലാനിധി സെന്റര് ഫോര് ഇന്ത്യന് ആര്ട്സ് ആന്ഡ് കള്ച്ചറല് ഹെറിറ്റേജ് ട്രസ്റ്റ്’ അതിന്റെ 30-ാം വാര്ഷികം ആഘോഷിക്കുന്നു. 2026 ജൂലൈ 11, 12 (ശനി, ഞായര്) തീയതികളില് ഗുരുവായൂര് നഗരസഭാ സെക്കുലര് ഹാള് ഓഡിറ്റോറിയത്തില് വിപുലമായ ദ്വിദിന സാംസ്കാരിക മഹാമഹം സംഘടിപ്പിക്കും. മഹാകവി വൈലോപ്പിള്ളി ശ്രീധരമേനോന്റെ ജന്മവാര്ഷികത്തോടനുബന്ധിച്ചുള്ള പുരസ്കാര ദാനവും ഇതോടൊപ്പം നടക്കും.
ഗുരുവായൂര് ഭാസുരി ഇന് ഹോട്ടലില് വെച്ച് നടന്ന പത്രസമ്മേളനത്തില് കലാനിധി ഭാരവാഹികളും ഗുരുവായൂര് പ്രസ് ക്ലബ് പ്രതിനിധികളും ചേര്ന്നാണ് പരിപാടികളുടെ വിശദാംശങ്ങള് അറിയിക്കുകയും വിവിധ പുരസ്കാരങ്ങള്ക്ക് അര്ഹരായവരുടെ പട്ടിക പ്രസിദ്ധീകരിക്കുകയും ചെയ്തത്.
പുരസ്കാരങ്ങള് ജേതാക്കള്
* വൈലോപ്പിള്ളി ശ്രീധരമേനോന് സ്മൃതി സാഹിത്യ ശ്രേഷ്ഠ പുരസ്കാരം : പ്രഭാവര്മ്മ (കവി), ഗിരിജാ നായര് അമ്പലപ്പുഴ (എഴുത്തുകാരി, പ്രസാധക), ഹേമ പ്രദീപ് (കഥ, കവിത, ബാലസാഹിത്യം, ചിത്രരചന), പ്രമോദ് പഴയിടം (കവി, കഥാകൃത്ത്, നോവലിസ്റ്റ്), ഡോ. പ്രമോദ് പയ്യന്നൂര് (നാടകചലച്ചിത്ര സംവിധായകന്, തിരക്കഥാകൃത്ത്), അരുണ്കുമാര് ആര്. (നിരൂപകന്, കോളമിസ്റ്റ്), ഉണ്ണി ഭാസുരി ഗുരുവായൂര് (കവി, കഥാകൃത്ത്, നോവലിസ്റ്റ്, നിരൂപകന്), ഡോ. അന്വര് കൃഷ്ണകുമാര് (പോലീസ് പി.ആര്.ഓ, സ്റ്റേറ്റ് പോലീസ് മീഡിയ സെന്റര് ഡെപ്യൂട്ടി ഡയറക്ടര്).
* ആശാ ഭോസ്ലെ സ്മൃതി കലാനിധി സംഗീത ശ്രേഷ്ഠ പുരസ്കാരം: സൂര്യ ഗായത്രി (ക്ലാസിക്കല്, ഭജന് ഗായിക).
* പി. ജയചന്ദ്രന് സ്മൃതി സംഗീത ശ്രേഷ്ഠ പുരസ്കാരം: മഞ്ജുനാഥ് വി. ജയ് (സംഗീത സംവിധായകന്, പിന്നണി ഗായകന്), ശ്രുതിനാഥ് എം.ആര്. (ഗായകന്, സംഗീത സംവിധായകന്), നന്ദന് എ. എസ്. (നവാഗത സംഗീത പ്രതിഭ).
* മൃണാളിനി സാരാഭായ് നൃത്തഭൂഷണ് പുരസ്കാരം: കലാമണ്ഡലം സംഗീത പ്രസാദ് (അസിസ്റ്റന്റ് പ്രൊഫസര്, കേരള കലാമണ്ഡലം), കലാമണി ആര്.എല്.വി. ഹേമന്ദ് ലക്ഷ്മണ്.
* കലാനിധി എവര്ഗ്രീന് എക്സലന്സ് പുരസ്കാരം: ഡോ. ശശികല പണിക്കര്, ഇന്ദിര ചന്ദ്രന്, ചിത്രലേഖ (ലീന) കുലോത്ത്, സൂര്യ ശ്രീ, ഡോ. സനല് കുമാരന്, പ്രീത എസ്., പ്രൊഫ. അഡ്വ. രമാഭായ് കെ.ജെ, അലിഫാ ഫാത്തിമ, ബേബി ധനശ്രീ അനില്.
ജൂലൈ 11 (ശനിയാഴ്ച) പരിപാടികള്:
രാവിലെ 10 മണിക്ക് ‘പി. ജയചന്ദ്രന് മ്യൂസിക് ഫെസ്റ്റ് 2026’ന്റെ ഉദ്ഘാടനം മഞ്ജുനാഥ് വി. ജയ് നിര്വ്വഹിക്കും. കലാനിധി ചെയര്പേഴ്സണ് ഗീതാ രാജേന്ദ്രന് അധ്യക്ഷത വഹിക്കുന്ന ചടങ്ങില് പ്രഭാ വര്മ്മ മുഖ്യതിഥിയായിരിക്കും. അരുണ്കുമാര് ആര്. ആമുഖ പ്രഭാഷണവും ഉണ്ണി ഭാസുരി ഗുരുവായൂര് സ്വാഗതവും ആശംസിക്കും.
ഉച്ചയ്ക്ക് 1.30ന് നടക്കുന്ന ഔദ്യോഗിക ഉദ്ഘാടന സമ്മേളനത്തിലും അവാര്ഡ് ദാന ചടങ്ങിലും കായിക, യുവജനക്ഷേമ, രജിസ്ട്രേഷന്, മ്യൂസിയം, പുരാവസ്തു വകുപ്പ് മന്ത്രി ഒ. ജി. ജനീഷ് ഉദ്ഘാടനം നിര്വ്വഹിക്കും. ഡോ. മാത്യു കുഴല്നാടന് എം.എല്.എ മുഖ്യപ്രഭാഷണവും ഗിരിജാ നായര് അമ്പലപ്പുഴ ആശംസാ പ്രഭാഷണവും നടത്തും.
ഗുരുവായൂര് ദേവസ്വം ചെയര്മാന് എ. വി. ഗോപിനാഥ് (മുന് എം.എല്.എ, ആലത്തൂര്), നഗരസഭാ ചെയര്പേഴ്സണ് സുനിത അനിരുദ്ധ്, ഡോ. പ്രമോദ് പയ്യന്നൂര്, പി. വി. മുഹമ്മദ് യാസിന്, കെ. പ്രകാശന്, ഡോ. അന്വര് കൃഷ്ണകുമാര്, രഞ്ജിത് ബാലന്, ലിജിത്ത്, ജയകുമാര് തുടങ്ങിയവര് വിശിഷ്ട സാന്നിധ്യമായിരിക്കും. തൃശൂര് പ്രസ് ക്ലബ്, ഗുരുവായൂര് പ്രസ് ക്ലബ് ഫോറം എന്നിവയുടെ സഹകരണത്തോടെയുള്ള മീഡിയ അവാര്ഡുകളും ചടങ്ങില് വിതരണം ചെയ്യും.
കലാനിധി സ്ഥാപകന് പ്രൊഫ. മൂഴിക്കുളം വി. ചന്ദ്രശേഖരപിള്ളയുടെ സ്മരണാര്ത്ഥം തയ്യാറാക്കിയ ‘ചന്ദ്രകാന്തം’ എന്ന കവിതാ സമാഹാരത്തിന്റെ പ്രകാശനവും ഇതോടൊപ്പം നടക്കും. തുടര്ന്ന് നാഗധ്വനി ഭജന്സിന്റെ ഭക്തിഗാന സുധയും വിഷ്ണു എം. ഭുവനേശ്വരിയുടെ വയലിന് ഫ്യൂഷനും അരങ്ങേറും.
ജൂലൈ 12 (ഞായറാഴ്ച) പരിപാടികള്:
രാവിലെ 9 മണിക്ക് മൃണാളിനി സാരാഭായ് ഇന്റര്നാഷണല് ഡാന്സ് ആന്ഡ് മ്യൂസിക് ഫെസ്റ്റ് (സീസണ് 2) ആരംഭിക്കും. സുജാതാ ശ്രീപാദം സ്വാഗതം പറയുന്ന ചടങ്ങില് കലാമണ്ഡലം സംഗീത പ്രസാദ് ഉദ്ഘാടനം നിര്വ്വഹിക്കും. ഗീതാ രാജേന്ദ്രന് അധ്യക്ഷത വഹിക്കുന്ന ചടങ്ങില് പ്രഭാവര്മ്മ മുഖ്യതിഥിയായിരിക്കും. ഉച്ചയ്ക്ക് 12.30ന് കലാനിധി പ്രതിഭകളും മിനി സ്ക്രീന് താരങ്ങളും അണിനിരക്കുന്ന നൃത്തപരിപാടി അരങ്ങേറും.
ഉച്ചയ്ക്ക് 1.30ന് പുരസ്കാര സമര്പ്പണവും കലാനിധി സില്വര് ജൂബിലി സാരസ്വത വിദ്യാശ്രേഷ്ഠ പുരസ്കാരം 2026 വിതരണവും നടക്കും. ഗുരുവായൂര് ജി.യു.പി സ്കൂളിലെ വിദ്യാര്ത്ഥികള്ക്കായുള്ള ‘അക്ഷരക്കനിവ്’ പദ്ധതിയുടെ നാലാം ഘട്ട പഠനോപകരണ വിതരണ ഉദ്ഘാടനം പ്രൊഫ. അഡ്വ. കെ. ജെ. രമാഭായ് നിര്വ്വഹിക്കും. എസ്.എസ്.എല്.സി, പ്ലസ് ടു പരീക്ഷകളില് ഉന്നതവിജയം നേടിയ വിദ്യാര്ത്ഥികളെ ചടങ്ങില് ആദരിക്കും. രണ്ടു ദിവസങ്ങളിലായി നടക്കുന്ന വിപുലമായ ഈ സാംസ്കാരിക പരിപാടികളിലേക്ക് എല്ലാ കലാസ്വാദകരെയും സ്വാഗതം ചെയ്യുന്നതായി കലാനിധി ഭാരവാഹികള് അറിയിച്ചു.
പി. വി. ദിവാകരന് കടിഞ്ഞിമൂല (കണ്ടല്ക്കാടുകളുടെ സംരക്ഷകന്, പരിസ്ഥിതി പ്രവര്ത്തകനും കലാനിധി അംഗം) വേദിയില് നൂറില്പ്പരം വൃക്ഷതൈകള് വിതരണം ചെയ്യും.
പ്രസ്തുത പ്രോഗ്രാമിന്റെ വിജയത്തിനായി പത്ര /ദൃശ്യ /ശ്രവ്യ /മാധ്യമ പ്രതിനിധികള് പങ്കെടുക്കുകയും അര്ഹിക്കുന്ന പ്രാധാന്യം നല്കി വിജയിപ്പിക്കുവാനും അപേക്ഷിക്കുന്നു.
സ്നേഹബഹുമാനപൂര്വ്വം,
ശ്രീമതി ഗീതാ രാജേന്ദ്രന്, കലാനിധി
ചെയര്പേഴ്സണ് & മാനേജിംഗ് ട്രസ്റ്റി
7034491493, 9447509149, 8089424969
പത്രസമ്മേളനത്തില് പങ്കെടുക്കുന്നവര്
ഗീതാ രാജേന്ദ്രന്, കലാനിധി (ചെയര്പേഴ്സണ് & മാനേജിങ് ട്രസ്റ്റി)
ഉണ്ണിഭാസുരി (കവി, കഥാകൃത്ത് സാഹിത്യകാരന്, നോവലിസ്റ്റ്, കലാനിധി അംഗം )
ഗിരിജാ നായര് അമ്പലപ്പുഴ (എഴുത്തുകാരി, ലേഖിക, കലാനിധി അംഗം )
രമ്യ. എസ്. ആര് (കവയത്രി, ഗാനരചയിതാവ് )