ജലവിഭവ വകുപ്പ് മന്ത്രിക്ക് സ്വീകരണം നൽകി

കേരള വാട്ടർ അതോറിറ്റി എൻജിനീയർമാരുടെ ഔദ്യോഗിക സംഘടനയായ അസോസിയേഷൻ ഓഫ് പബ്ലിക് ഹെൽത്ത് എൻജിനിയേഴ്സ് കേരള(അപെക് )ന്റെ നേതൃത്വത്തിൽ ജലവിഭവ വകുപ്പ് മന്ത്രി അഡ്വ. മോൻസ് ജോസഫിന് സ്വീകരണം നൽകി. 2025 ജൂൺ 25ന് അസോസിയേഷൻ ആസ്ഥാനമന്ദിരമായ കവടിയാർ സ്ക്വയറിൽ ഉള്ള അക്വാ എൻജിനീയേർസ് ടവറിൽ വെച്ച് നടത്തപ്പെട്ട ചടങ്ങിലാണ് വകുപ്പ് മന്ത്രിയെ ആദരിക്കുകയും, ഉപഹാര സമർപ്പണം നടത്തിയതും. അസോസിയേഷൻ പ്രസിഡന്റ് കിഷൻ ചന്തു എസ്. ന്റെ അധ്യക്ഷതയിൽ കൂടിയ യോഗത്തിൽ വച്ച് 2026 വർഷത്തിൽ കേരള ജല അതോറിറ്റിയിൽ നിന്നും വിരമിച്ച എൻജിനീയർമാർക്കുള്ള യാത്രയയപ്പും നൽകി. യോഗത്തിൽ മുഖ്യപ്രഭാഷകനായി മുൻ സംസ്ഥാന ഡി.ജി.പി. ജേക്കബ് പുന്നൂസ് ഐ.പി.എസ്. ജലത്തിന്റെ സംരക്ഷണത്തിന്റെയും, പരിമിതമായ വിനിയോഗത്തിന്റെയും പ്രാധാന്യം വെളിപ്പെടുത്തി.
കേരള വാട്ടർ അതോറിറ്റിയെ കൂടുതൽ കാര്യക്ഷമമാക്കുവാനും ഉപഭോക്ത സൗഹൃദ സ്ഥാപനം ആക്കുവാനും വിപുലമായ പദ്ധതികൾ സമയമായി പൂർത്തീകരിക്കുവാനും പൊതുജല നയം രൂപീകരിച്ച് കുടിവെള്ള വിതരണത്തിൽ സ്വയം പര്യാപ്തത കണ്ടെത്തുന്നതിനുള്ള സ്വത്വര നടപടികൾ പുതിയ ഗവൺമെന്റ് സ്വീകരിക്കുമെന്ന് യോഗത്തിൽ മന്ത്രി അറിയിച്ചു. ഇത്തരം പ്രവർത്തനങ്ങളിൽ വകുപ്പ് തലത്തിലെ എൻജിനീയർമാരെ കൂടുതൽ വിശ്വാസത്തിൽ എടുത്തു കൊണ്ടായിരിക്കും പദ്ധതികൾ മുന്നോട്ടുകൊണ്ടുപോവുക എന്നും അദ്ദേഹം കൂട്ടിച്ചേർത്തു. സംസ്ഥാനത്തെ നവ ജലനയ രൂപീകരണം സംബന്ധമായി ഒരു സമ്പൂർണ്ണ ജല കോൺക്ലേവ് ഗവൺമെന്റ് തലത്തിൽ അടിയന്തരമായി ക്രമീകരിക്കുന്നതാണെന്നും അദ്ദേഹം അറിയിച്ചു.
യോഗത്തോടൊപ്പം സംഘടനയുടെ മുഖപത്രം ആയ അപെക് ന്യൂസിന്റെ പുനപ്രസിദ്ധീകരണം, അംഗങ്ങൾക്കുള്ള തിരിച്ചറിയൽ കാർഡിന്റെ വിതരണ ഉദ്ഘാടനം, അപേക് ലൈബ്രറി വിപുലീകരണത്തിന് ആയുള്ള പുസ്തക സമാഹരണ യജ്ഞത്തിന്റെ ആരംഭം, തീവ്ര അന്നത്തെ വിതരണ ക്യാമ്പയിന്റെ തുടക്കം എന്നിവയും നടത്തപ്പെട്ടു.
സംഘടനയുടെ പ്രവർത്തനങ്ങൾ ശാക്തീകരിക്കുന്നതിനുള്ള നടപടികൾ സ്വീകരിക്കുവാനും സംഘടനാവിരുദ്ധ പ്രവർത്തനങ്ങൾ നടത്തിയവരെ സംഘടനയിൽ നിന്നും പുറത്തക്കുവാനും ഇതോടൊപ്പം സംഘടിപ്പിച്ച അസാധാരണ പൊതുയോഗത്തിൽ തീരുമാനമായി.
വാട്ടർ അതോറിറ്റിയിലെ പ്രധാന എൻജിനീയർമാർ, ഭൂരിഭാഗം അസോസിയേഷൻ അംഗങ്ങൾ എന്നിവർ ഉൾപ്പെടെ പങ്കെടുത്ത യോഗത്തിൽ അസോസിയേഷൻ വൈസ് പ്രസിഡന്റ് ഷിനോ മെറിൻ ജോൺ സ്വാഗതവും ജനറൽ സെക്രട്ടറി സാബു തോമസ് നന്ദിയും പ്രകാശിപ്പിച്ചു.