തനിമ കലാസാഹിത്യവേദി നേമം ചാപ്റ്ററിന്റെ നേതൃത്വത്തിൽ സർഗ്ഗസദസ്സ് സംഘടിപ്പിച്ചു

തിരു: പൊറ്റവിള കൾച്ചറൽ സെന്ററിൽ നടന്ന സർഗ്ഗസദസ്സ് തനിമ കലാസാഹിത്യവേദി ജില്ലാപ്രസിഡന്റ് അമീർ കണ്ടൽ ഉദ്ഘാടനം ചെയ്തു. വെറുപ്പ് വിതച്ച് പച്ചമനുഷ്യരെ തല്ലിക്കൊല്ലുന്ന വംശീയത മാനവരാശിക്ക് ഭീഷണിയാണെന്നും അതിനെതിരെ പ്രതിരോധം തീർക്കേണ്ടത് കലാസാംസ്കാരിക പ്രവർത്തകരുടെ ബാധ്യതയാണെന്നും അദ്ദേഹം പറഞ്ഞു.ചാപ്റ്റർ പ്രസിഡന്റ് ഷാമില കാരക്ക മണ്ഡപം അധ്യക്ഷത വഹിച്ചു. അശ്കർ കബീർ, പനവിള രാജശേഖരൻ, പനച്ചൂട് ഷാജഹാൻ, മെഹർ മാഹീൻ,സെബ, അൻസർ പാച്ചിറ, പീർ മുഹമ്മദ് തുടങ്ങിയവർ സംസാരിച്ചു. വഹീദ ടീച്ചർ,നിഷ, ഉമൈബ, ഷാഹുൽ ഹമീദ് അഴീക്കോട്, നൂറുൽ ഹസൻ ,സിയാദ് കണിയാപുരം, സെബ,ഷാമില ബഷീർ,ഷജീല മനാഫ്, സജ്ന , സാഫിറ, മെഹറുന്നിസ,ഹരി പാപ്പനംകോട്, സുലേഖ, ഷാഹിന, ഷൈലബീവി, ആദിൽ തുടങ്ങിയവർ വിവിധ സർഗാവിഷ്ക്കാരങ്ങൾ അവതരിപ്പിച്ചു.