സ്വാതന്ത്ര്യദിനത്തിൽ ‘ചേഞ്ച് ചാമ്പ്യന്മാർ’ ആയി വനിതാ ഡ്രൈവർമാരെ ആദരിച്ച് തിങ്ക് ഗ്യാസ്
തിരുവനന്തപുരം ഓഗസ്റ്റ് 15, 2025: സിഎൻജി പോലെ മലിനീകരണം കുറഞ്ഞ ഇന്ധനങ്ങളുള്ള വാഹനങ്ങൾ ഉപയോഗിക്കുന്ന വനിതകളായ ഓട്ടോ, ടാക്സി ഡ്രൈവർമാർക്ക് സ്വാതന്ത്ര്യദിനത്തിൽ ആദരവുമായി പ്രത്യേക പരിപാടി. വികസിത് ഭാരത് 2047 എന്ന ലക്ഷ്യത്തിനായി കൈകോർത്തു കൊണ്ടു രാജ്യത്തെ സിറ്റി ഗ്യാസ് വിതരണരംഗത്തെ മുൻനിര കമ്പനികളിലൊന്നായ തിങ്ക് ഗ്യാസും (മുൻപ് എജി ആൻഡ് പി പ്രഥം) റോട്ടറി ക്ലബ് ഓഫ് തിരുവനന്തപുരം ഈസ്റ്റും ചേർന്നാണ് ആദരിക്കൽ ചടങ്ങ് നടത്തിയത്. കുറഞ്ഞ മലിനീകരണമുള്ള വാഹന ഉപയോഗത്തിലേക്കു മാറാൻ മുൻകൈ എടുത്ത മാതൃകാപ്രവർത്തനത്തെ ആദരിക്കാനാണു ചടങ്ങ് സംഘടിപ്പിച്ചത്.
പൊതുജനങ്ങൾക്കും ഡ്രൈവർമാർക്കും സൗജന്യ നേത്രപരിശോധനാ ക്യാമ്പ്, പരിസ്ഥിതി സൗഹൃദ സിഎൻജി വാഹനങ്ങളുടെ പ്രദർശനം എന്നിവയും ഇതിന്റെ ഭാഗമായി നടത്തി.
79-ാമത് സ്വാതന്ത്ര്യദിനത്തിൽ റോട്ടറി ക്ലബ് ഓഫ് തിരുവനന്തപുരം ഈസ്റ്റുമായി ചേർന്ന് ഇത്തരമൊരു അർത്ഥവത്തായ പ്രവർത്തനത്തിന് നേതൃത്വം നൽകുന്നതിൽ ഞങ്ങൾക്ക് അഭിമാനമുണ്ടെന്ന് തിങ്ക് ഗ്യാസിന്റെ എകെടി (ആലപ്പുഴ– കൊല്ലം– തിരുവനന്തപുരം മേഖലാ മേധാവി) അജിത് വി.നാഗേന്ദ്രൻ പറഞ്ഞു. പുരുഷാധിപത്യത്തിന്റെ മതിലുകൾ തകർത്ത് മുന്നേറുകയും പരിസ്ഥിതിസൗഹൃദമായ സിഎൻജി ഉപയോഗിക്കുന്നതിന് മാതൃകയായി മാറുകയും ചെയ്യുന്ന വനിതാ ഡ്രൈവർമാരെയാണ് ആദരിക്കുന്നത്. മലിനീകരണവും പരമ്പരാഗത ഇന്ധനങ്ങളോടുള്ള ആശ്രയത്വവും കുറയ്ക്കാൻ ഇവരുടെ തീരുമാനം സഹായിക്കുന്നു. കൂടാതെ, എല്ലാ വാഹന വിഭാഗങ്ങളിലുമുള്ള ഡ്രൈവർമാർക്കും തിങ്ക് ഗ്യാസ് ഉപഭോക്താക്കൾക്കുമായി സൗജന്യ നേത്രപരിശോധനാ ക്യാമ്പും, ശാശ്വത ഗതാഗത മാർഗങ്ങളെക്കുറിച്ചുള്ള അവബോധ പരിപാടിയും സംഘടിപ്പിച്ചതായും അജിത് വി.നാഗേന്ദ്രൻ പറഞ്ഞു.
തിങ്ക് ഗ്യാസുമായുള്ള ഞങ്ങളുടെ സഹകരണത്തിലൂടെ സമൂഹക്ഷേമത്തിനും പരിസ്ഥിതി സംരക്ഷണത്തിനുമുള്ള പ്രതിബദ്ധതയാണു പ്രകടിപ്പിക്കുന്നതെന്ന് റോട്ടറി ക്ലബ് ഓഫ് തിരുവനന്തപുരം ഈസ്റ്റ് പ്രസിഡന്റ് ആനി ടി.നായർ അഭിപ്രായപ്പെട്ടു: വനിതാ ഡ്രൈവർമാരെ ആദരിക്കുന്നതിലൂടെ, കൂടുതൽ പൗരന്മാരെ പരിസ്ഥിതിസൗഹൃദ ഗതാഗത മാർഗങ്ങൾ സ്വീകരിക്കാൻ പ്രചോദിപ്പിക്കാനാണ് ഞങ്ങളുടെ ശ്രമം. സൗജന്യ നേത്രപരിശോധനാ ക്യാമ്പും ഡ്രൈവർമാരെയും പൊതുജനങ്ങളെയും ആരോഗ്യപരമായ രീതിയിൽ സഹായിക്കുന്ന മറ്റൊരു ചുവടുവയ്പാണ്. ഇവർ വെറും ഡ്രൈവർമാർ മാത്രമല്ല, നമ്മുടെ നഗരത്തിലെ ഗതാഗതത്തിന്റെ ഭാവി രൂപപ്പെടുത്തുന്ന മാതൃകകളാണെന്നും ആനി ടി.നായർ പറഞ്ഞു.