ലോകകപ്പ് യോഗ്യതാ മത്സരത്തില് പോര്ച്ചുഗല്ലിന് തകര്പ്പന് ജയം
സൂപ്പര് താരം ക്രിസ്റ്റ്യാനോ റൊണാള്ഡോ ഇല്ലാതെ ഇറങ്ങിയ പോര്ച്ചുഗല് അസര്ബൈജാനെ എതിരില്ലാത്ത മൂന്ന് ഗോളിനാണ് തോല്പ്പിച്ചത്. ബെര്ണാഡ് സില്വ, ആന്ഡ്രെ സില്വ, ജോട്ട എന്നിവരാണ് പോര്ച്ചുഗലിന്റെ സ്കോറര്മാര്. ജയത്തോടെ 13 പോയിന്റുമായി ഗ്രൂപ്പ് എയില് പോര്ച്ചുഗല് ഒന്നാമതെത്തി.അന്റോയിന് ഗ്രീസ്മാന്റെ ഇരട്ടഗോള് മികവില് ഫ്രാന്സും ലോകകപ്പ് യോഗ്യതാ മത്സരത്തില് വിജയിച്ചു. ഫിന്ലന്ഡിനെ മറുപടിയില്ലാത്ത രണ്ടു ഗോളിനാണ് ഫ്രാന്സ് തകര്ത്തത്. 25, 53 മിനിറ്റുകളിലായിരുന്നു ഗ്രീസ്മാന്റെ ഗോളുകള്. പരിക്ക് കാരണം സൂപ്പര്താരം എംബാപ്പെ ഇന്ന് കളിച്ചില്ല. 12 പോയിന്റുമായി ഗ്രൂപ്പ് ഡിയില് ഒന്നാമതാണ് ഫ്രാന്സ്.ഇന്ന് നടന്ന മറ്റു മത്സരങ്ങളില് ശക്തരായ നെതര്ലാന്ഡ്സിനും ഡെന്മാര്ക്കിലും ക്രൊയേഷ്യക്കും തകര്പ്പന് ജയം. നെതര്ലാന്ഡ്സ് ശക്തരായ തുര്ക്കിയേയും (6-1), ഡെന്മാര്ക്ക് ഇസ്രായേലിനെയും (5-0), ക്രൊയേഷ്യ സ്ലോവേനിയേയും (3-0) പരാജയപ്പെടുത്തി. ഏഷ്യന് മേഖല ലോക കപ്പ് യോഗ്യത മത്സരത്തില് ജപ്പാനിലും, കൊറിയ റിപ്പബ്ലിക്കിനും ജയം.