മനസ്സിന്റെ സങ്കീർണ്ണതകളും നാടൻ ജീവിതത്തിന്റെ താളങ്ങളും കോർത്തിണക്കി “കാമൻ – Martyr of Love” പ്രേക്ഷകരിലേക്ക്

പയ്യന്നൂർ: മനുഷ്യമനസ്സിന്റെ സങ്കീർണ്ണതകളെയും പ്രണയത്തിന്റെ വിവിധ തലങ്ങളെയും ഉത്തരകേരളത്തിന്റെ നാടൻ ജീവിത-സാംസ്കാരിക പശ്ചാത്തലവുമായി ചേർത്തവതരിപ്പിക്കുന്ന “കാമൻ – Martyr of Love” പ്രദർശനത്തിനൊരുങ്ങുന്നു. അമരം ക്രിയേഷൻസിന്റെ ബാനറിൽ പി. സദാനന്ദൻ നിർമ്മിക്കുന്ന ചിത്രം യു. പ്രസന്നകുമാർ സംവിധാനം ചെയ്യുന്നു.
Psychological Drama with Folk Elements എന്ന സ്വഭാവത്തിലാണ് ചിത്രം ഒരുക്കിയിരിക്കുന്നത്. പ്രണയം എന്ന വികാരത്തിന്റെ മനഃശാസ്ത്രപരമായ തലങ്ങളിലൂടെയും മനുഷ്യബന്ധങ്ങൾ സൃഷ്ടിക്കുന്ന ആന്തരിക സംഘർഷങ്ങളിലൂടെയും സഞ്ചരിക്കുന്ന ചിത്രം, നാടൻ ജീവിതത്തിന്റെയും സംസ്കാരത്തിന്റെയും ഘടകങ്ങളെ കഥയുടെ അവിഭാജ്യഭാഗമാക്കുന്നു. യാഥാർഥ്യവും ഓർമ്മകളും വൈകാരിക jഅനുഭവങ്ങളും കഥാപാത്രങ്ങളുടെ മനോവ്യാപാരങ്ങളും കൂടിച്ചേരുന്ന വ്യത്യസ്തമായ ദൃശ്യാനുഭവമാണ് ചിത്രം ലക്ഷ്യമിടുന്നത്. അതേസമയം, ഈ പശ്ചാത്തലത്തിൽ ജീവിക്കുന്ന മനുഷ്യരുടെ പ്രണയവും നഷ്ടവും ബന്ധങ്ങളും മനസ്സിനുള്ളിലെ സംഘർഷങ്ങളുമാണ് കഥയുടെ വൈകാരിക അടിത്തറ.
സുധ എസ്. നന്ദൻ തിരക്കഥ രചിക്കുന്ന ചിത്രത്തിന്റെ ഛായാഗ്രഹണം സുധീഷ് കോമത്ത് നിർവഹിക്കുന്നു.കവി പ്രഭാവർമ്മ,കലാനിധി അംഗവും ഗാന രചയിതവുമായ പ്രമോദ് കാപ്പാട് എന്നിവരാണ് ഗാനരചനനിർവഹിച്ചിരിക്കുന്നത്. ജയചന്ദ്രൻ കാവുംതാഴെ സംഗീതവും അനൂപ് വൈറ്റ്‌ലാൻഡ് OST-യും ഒരുക്കുന്നു. സനൂജ് ബാലകൃഷ്ണൻ ആണ് എഡിറ്റർ.
നിതിൻ പവിത്രൻ കലാസംവിധാനവും ഒ. മോഹനൻ മേക്കപ്പും നിർവഹിക്കുന്നു.കലാനിധി അംഗമായ പ്രകാശൻ ചെങ്ങൽ പ്രൊഡക്ഷൻ കൺട്രോളറും റോജി പി. കുര്യൻ പ്രൊഡക്ഷൻ ഡിസൈനറുമാണ്.കലാനിധി അംഗം പ്രകാശ് വടിക്കൽ ക്രിയേറ്റീവ് കോൺട്രിബ്യൂട്ടറാണ്. മുകേഷ് ദാമോദരൻ ക്രിയേറ്റീവ് ഡിസൈൻ നിർവഹിക്കുന്നു.
പ്രകാശൻ ചെങ്ങൽ, റോജി പി കുര്യൻ, പ്രേമൻ
പറശ്ശിനി, പ്രകാശ് വാടിക്കൽ, വിസ്മയ സജീവൻ, രജന രവി തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.
ഹരീന്ദ്രൻ കെ.യു.,കലാനിധി അംഗവും ഗായകനുമായ ലജീഷ് അത്തിലാട്ട്. രാഖി രാമചന്ദ്രൻ, നവ്യ ശ്രീലാൽ എന്നിവരാണ് ചിത്രത്തിലെ ഗാനങ്ങൾ ആലപിച്ചിരിക്കുന്നത്.
സിനിമയുടെ റിലീസിനോടനുബന്ധിച്ച് സംഘടിപ്പിക്കുന്ന പത്രസമ്മേളനത്തിൽ സംവിധായകൻ, നിർമ്മാതാവ്, അഭിനേതാക്കൾ, മറ്റ് അണിയറപ്രവർത്തകർ എന്നിവർ പങ്കെടുക്കും. സിനിമയുടെ രൂപീകരണം, പ്രമേയം, ചിത്രീകരണ അനുഭവങ്ങൾ, ഫോക് ഘടകങ്ങളുടെ ഉപയോഗം, സംഗീത-ദൃശ്യപരിചരണം തുടങ്ങിയവയെക്കുറിച്ച് അണിയറപ്രവർത്തകർ മാധ്യമങ്ങളുമായി സംവദിക്കും.
ആദ്യ പ്രദർശനം
“കാമൻ – Martyr of Love”
2026 ഒക്ടോബർ 2
വൈകിട്ട് 4 മണിക്ക്

പയ്യന്നൂർ ശാന്തി തിയേറ്ററിൽ
മലയാള സിനിമയുടെ പരിചിതമായ പ്രണയാഖ്യാനങ്ങളിൽ നിന്ന് വ്യത്യസ്തമായി, പ്രണയത്തെ മനുഷ്യമനസ്സിന്റെ സങ്കീർണ്ണമായ അനുഭവമായി സമീപിക്കുകയും അതിനെ നാടൻ ജീവിതത്തിന്റെയും ഫോക് സംസ്കാരത്തിന്റെയും പശ്ചാത്തലത്തിൽ അവതരിപ്പിക്കുകയും ചെയ്യുകയാണ് “കാമൻ – Martyr of Love”.
മാധ്യമ സുഹൃത്തുക്കളുടെ സാന്നിധ്യവും സഹകരണവും സാദരം അഭ്യർത്ഥിക്കുന്നു.
അമരം ക്രിയേഷൻസ്
കാമൻ – Martyr of Love
സംവിധാനം: യു. പ്രസന്നകുമാർ
നിർമ്മാണം: പി. സദാനന്ദൻ