അധ്യാപക ദിനാചരണം

വിഴിഞ്ഞം: അദാനി വിഴിഞ്ഞം അന്താരാഷ്ട്ര തുറമുഖത്തിന്റെ സാമൂഹ്യ പ്രതിബദ്ധതാ വിഭാഗമായ അദാനി ഫൗണ്ടേഷനു കീഴിൽ അധ്യാപക ദിനാചാരണം സംഘടിപ്പിച്ചു.

അദാനി സ്കിൽ ഡെവലപ്പ്മെന്റ് സെന്റർ, അസാപ്പ് – കമ്മ്യൂണിറ്റി സ്കിൽ പാർക്കിൽ വച്ച് നടന്ന പരിപാടിയിൽ പ്രൊഫസർ ബാലചന്ദ്രൻ നായർ (റിട്ട. പ്രഥമ അദ്ധ്യാപകൻ, SN കോളേജ്, ചെമ്പഴന്തി), രത്‌നകരൻ പി (റിട്ട. പ്രഥമ അദ്ധ്യാപകൻ, DIET, ആറ്റിങ്ങൽ) എന്നിവർ മുഖ്യ അതിഥികളായി. അദാനി സ്കിൽ ഡെവലപ്പ്മെന്റ് വിഴിഞ്ഞം സെന്ററിന് കീഴിൽ നടന്നു വരുന്ന വിവിധ കോഴ്സുകളിലെ പരിശീലകർ കൂടാതെ മറ്റു ഉദ്യോഗസ്ഥർ പങ്കെടുത്ത പരിപാടി, സെബാസ്റ്റ്യൻ ബ്രിട്ടോ (CSR ഹെഡ്, അദാനി ഫൗണ്ടേഷൻ ഉദ്ഘാടനം ചെയ്തു).

പ്രസ്തുത പരിപാടിയിൽ പങ്കെടുത്ത അധ്യാപകരെ അനുമോദിക്കുകയും അവർ ഈ ദിവസത്തിന്റെ പ്രാധാന്യത്തെ കുറിച്ച് പ്രതിപാതിക്കുകയും ചെയ്തു. കൂടാതെ അവരവരുടെ പ്രിയ അധ്യാപകരെ ഓർമിക്കുകയും അതിലൂടെ ജീവിതത്തിൽ കൊണ്ട് വരാൻ സാധിച്ച കാര്യങ്ങളുടെയും നേട്ടങ്ങളുടെയും പങ്കുവെക്കൽ ഈ ഒത്തുചേരലിനു മാറ്റുകൂട്ടി.