ഹോർമൂസിൽ വെല്ലുവിളിയുമായി അമേരിക്ക; പ്രതിരോധിക്കാൻ ഇറാൻ

ഹോർമൂസിൽ വെല്ലുവിളിയുമായി അമേരിക്ക രംഗത്ത്. കടലിടുക്കിലൂടെയുള്ള കപ്പൽ ഗതാഗതത്തിന് സുരക്ഷ ഒരുക്കുമെന്ന് യുഎസ് സൈന്യം പ്രഖ്യാപിച്ചു. ഹോർമൂസ് നിയന്ത്രിക്കുന്നത് ഇറാൻ അല്ലെന്നും യുഎസ് സെൻട്രൽ കമാൻഡ് അധികൃതർ പറഞ്ഞു.
ഹോർമൂസ് കടലിടുക്ക് ഇറാൻ അടച്ചുവെന്ന് പ്രഖ്യാപിച്ചതിന് പിന്നാലെയാണ് വെല്ലുവിളിയുമായി അമേരിക്ക രംഗത്തെത്തിയത്. അതേസമയം, അമേരിക്ക നടത്തുന്ന ആക്രമണങ്ങളിൽ ഇറാൻ സ്ഥാനപതിയെ വിളിച്ചുവരുത്തി ഒമാൻ അതൃപ്തി അറിയിച്ചു.
അതേസമയം, ഹോർമൂസ് കടലിടുക്ക് ആണവായുധങ്ങളേക്കാൾ മൂല്യമുള്ള സ്വത്തെന്ന് ഇറാൻ പരമോന്നത നേതാവിന്റെ ഉപദേഷ്ടാവ്. എന്ത് വിലകൊടുത്തും ഹോർമൂസിന് മേലുള്ള നിയന്ത്രണം സംരക്ഷിക്കുമെന്നും മേജർ ജനറൽ മൊഹ്സിൻ റെസായി പറഞ്ഞു.
നിലവിൽ സംഘർഷം കൈവിട്ടുപോകുന്ന സാഹചര്യമാണുള്ളത്. ഇത് ഗുരുതരമായ യുദ്ധസാഹചര്യത്തിലേക്കാണ് നയിച്ചിരിക്കുന്നത്. ബഹ്റൈൻ, കുവൈറ്റ്, ജോർദാൻ, ഖത്തർ, ഒമാൻ എന്നീ ഗൾഫ് രാജ്യങ്ങൾക്ക് നേരെ കഴിഞ്ഞ ഞായറാഴ്ച ആക്രമണം നടത്തിയതായി ഇറാൻ അവകാശപ്പെട്ടിരുന്നു