ദാഹമകറ്റാൻ സ്നേഹത്തണൽ; കുടിവെള്ള വിതരണവുമായി ഐ സി എ. തിരുവനന്തപുരം

കത്തുന്ന വേനൽച്ചൂടിൽ വലയുന്നവർക്ക് ആശ്വാസമേകി ദാഹമകറ്റാം സ്നേഹം പകരാം’ എന്ന പേരിൽ സംഭാരം വിതരണം ഇസ്ലാമിക് കൾച്ചറൽ അസോസിയേഷന്റെനേതൃത്വത്തിൽ തമ്പാനൂർ ബസ്സ് സ്റ്റാന്റിന് സമീപത്താണ് വിതരണ കേന്ദ്രം ഒരുക്കിയത്. ഇസ്ലാമിക കൾച്ചറൽ അസോസിയേഷൻ ചെയർമാൻ അഡ്വക്കേറ്റ്. എ എം കെ നൗഫലിന്റെ അധ്യക്ഷതയിൽ ചേർന്ന പദ്ധതിയുടെ ഉദ്ഘാടനം തമ്പാനൂർ പോലീസ് സ്റ്റേഷൻ ഹൗസ് ഓഫീസർ ബി വിനോദ് കുമാർ നിർവഹിച്ചു. ചൂട് കടുക്കുന്ന സാഹചര്യത്തിൽ പൊതുജനങ്ങൾക്ക് തണലാകാൻ ഇത്തരം കാരുണ്യ പ്രവർത്തനങ്ങൾ അനിവാര്യമാണെന്ന് അദ്ദേഹം അഭിപ്രായപ്പെട്ടു. സെക്രട്ടറി എ. അബൂബക്കർ, നിസാർ അഹമ്മദ്, ഖാദർ റൂബി, സൈദ് അലി,ഷാജഹാൻ, മുഹമ്മദ് ഇസ്മായിൽ,അബ്ദുൽ സലാം,ബിലാൽ, അബ്ദുൽ കലാം, അൻവർ, അനസ് മുഹമ്മദ്,സഫറുള്ള, തുടങ്ങിയവർ നേതൃത്വം നൽകി.വേനൽക്കാലം അവസാനിക്കുന്നത് വരെ ഈ സേവനം തുടരാനാണ് സംഘാടകരുടെ തീരുമാനം.ഇസ്ലാമിക് കൾച്ചറൽ അസോസിയേഷന്റെ ആഭിമുഖ്യത്തിൽ ദാഹമകറ്റാം സ്നേഹം പകരാം എന്ന നാമധേയത്തിൽ തമ്പാനൂർ ബസ് സ്റ്റാൻഡിന് എതിർവശത്ത് ആരംഭിച്ച സംഭാര വിതരണം തമ്പാനൂർ പോലീസ് സ്റ്റേഷൻ ഹൗസ് ഓഫീസർ ബി. വിനോദ് കുമാർ ഉദ്ഘാടനം ചെയ്യുന്നു. അസോസിയേഷൻ ചെയർമാൻ അഡ്വക്കേറ്റ്.എ എം കെ നൗഫൽ തുടങ്ങിയ ഭാരവാഹികൾ സമീപം.