യുദ്ധ ഭീകരതക്കെതിരിൽ സമാധാന സന്ദേശം പങ്ക് വെച്ച് കെ.എൻ.എം മർകസുദ്ദഅവ ഇഫ്താർ സംഗമം

തിരുവനന്തപുരം:പശ്ചിമേഷ്യയിലെ യുദ്ധക്കെടുതികളിൽ പ്രയാസങ്ങൾ പങ്ക് വെച്ചും സർവ നാശം വിതക്കുന്ന യുദ്ധത്തിനെതിരിൽ സമാധാന സന്ദേശം കൈമാറിയും കെ.എൻ എം മർകസുദഅവ ഇഫ്താർ സൗഹ്യദ സംഗമം .സാമ്രാജ്യത്വ ശക്തികളുടെ ആർത്ഥിയും അഹങ്കാരവുമാണ് വിനാശകരമായ യുദ്ധങ്ങൾ സൃഷ്ടിക്കുന്നത്. വെറുപ്പിന്റെയും വിദ്വേഷത്തിന്റെയും വാതിലുകൾ കൊട്ടിയടച്ച് സ്നേഹത്തിന്റെയും സൗഹാർദത്തിന്റെയും വിശാലതയിലേക്ക് മനുഷ്യർ എത്തിപ്പെടെങ്കിലേ കൂട്ടക്കൊലകൾക്കും അക്രമങ്ങൾക്കും അറുതി വരുത്താനാവുകയുള്ളു. യുദ്ധങ്ങൾ പ്രശ്നപരിഹാരമല്ലെന്നും അനുരജ്ഞനമാണ് ലോകത്തിന് ഇന്ന് ആവശ്യമെന്നും സംഗമം അഭിപ്രായപ്പെട്ടു.യുദ്ധക്കെടുതികളിൽ ദുരിതമനുഭവിക്കുന്നവരോട് ഐക്യദാർഢ്യം പ്രഖ്യാപിക്കുകയും സമാധാനം സാധ്യമാക്കാൻ പ്രാർത്ഥിക്കുകയും ചെയ്തു.കെ.എൻ.എം മർകസുദഅവ സംസ്ഥാന ജന: സെക്ടറി എം. അഹമ്മദ് കുട്ടി മദനി ഇഫ്താർ സന്ദേശംനല്കി.പാളയം ഇമാം ഡോ.വി.പി ശുഹൈബ് മൗലവി, ചെറിയാൻ ഫലിപ്, പി.രാമഭദ്രൻ , സോമപ്രസാദ്, എൻ.എം അബ്ദുൽ ജലീൽ , അലി മദനി മൊറയൂർ, സക്കീർ നേമം, എം. നജീബ് കിംസ് , ശമീർ ഫലാഹി, ഡോ.എ.പി നൗഷാദ്,സലീം കരുനാഗപ്പള്ളി, ഇ.ഐ സിറാജ് മദനി, അൽ അമീൻ ബീമാപള്ളി, എം.എം ബശീർ മദനി, ഷാജഹാൻ ഫാറൂഖി പ്രസംഗിച്ചു