വർക്കലയിൽ ആർട്ട് ഫെസ്റ്റിവൽ വരുന്നു

വർക്കല ക്ലിഫിലെ സൺവ്യൂ റിസോർട്ടിൽ ‘വർക്കല ആർട്ട് ഫെസ്റ്റിവൽ’ സംഘടിപ്പിക്കുന്നു. രഹ്ന ക്യൂറേറ്ററായ ആർട്ടിസ്റ്റ് ഗ്രൂപ്പിന്റെ നേതൃത്വത്തിൽ നടക്കുന്ന ഈ കലാപ്രദർശനം ഫെബ്രുവരി 10 മുതൽ 15 വരെ നടക്കും. ദിവസേന രാവിലെ 10 മണി മുതൽ രാത്രി 10 മണി വരെയാണ് പ്രദർശന സമയം.
ഫെബ്രുവരി 10-ന് വൈകുന്നേരം 5 മണിക്ക് നടക്കുന്ന ഉദ്ഘാടനച്ചടങ്ങോടെയാണ് ഫെസ്റ്റിവൽ ആരംഭിക്കുന്നത്. ഏകദേശം 30 ഓളം ചിത്രകാരന്മാരുടെ ചിത്രങ്ങളാണ് ഫെസ്റ്റിവലിൽ പ്രദർശിപ്പിക്കുന്നത്. പ്രദർശനത്തോടൊപ്പം വിൽപ്പനയും ഉൾക്കൊള്ളുന്ന പരിപാടിയിൽ വിവിധതരം ചിത്രകലാരൂപങ്ങൾ അവതരിപ്പിക്കും.
കലാപ്രേമികൾക്കും വിനോദസഞ്ചാരികൾക്കും ഒരുപോലെ ആകർഷണമാകുന്ന ഈ ആർട്ട് ഫെസ്റ്റിവലിലേക്ക് സിനിമാ രംഗത്തെയും രാഷ്ട്രീയ രംഗത്തെയും പ്രമുഖർ പങ്കെടുക്കുമെന്ന് സംഘാടകർ അറിയിച്ചു.