മുസ്ലിം അസോസിയേഷന്റെ ഇഫ്താർ സംഗമം മികവുറ്റ സംഘാടനം കൊണ്ടും ശ്രദ്ധേയമായി

മത പുരോഹിതന്മാരുടെയും രാഷ്ട്രീയ സാമുദായിക സാമൂഹ്യ. ഔദ്യോഗിക രംഗങ്ങളിലെ പ്രമുഖരുടെയും സാന്നിദ്ധ്യം കൊണ്ട് ശ്രദ്ധേയമായ മുസ്ലിം അസോസിയേഷന്റെ ഇഫ്താർ സംഗമം മികവുറ്റ സംഘാടനം കൊണ്ടും ശ്രദ്ധേയമായി. അഡ്വൌസറി ബോർഡ് ചെയർമാൻ ശ്രീ ഇ എം നജീബ് ഓടിനടന്ന് ഇഫ്താറിനെത്തിയവരെ സ്വീകരിക്കുകയും കുശലം പറയുകയും ചെയ്തത് എല്ലാവരാലും ശ്രദ്ധിക്കപ്പെട്ടു.

അസോസിയേഷൻ പ്രസിഡന്റ് ശ്രീ നാസർ കടയറയുടെ അദ്ധ്യക്ഷതയിൽ നടന്ന സംഗമത്തിൽ ഡോ വി പി ഷുഹൈബ് മൌലവിയും, ഗഫാർ മൌലവിയും റമദാൻ സന്ദേശം നൽകി. മന്ത്രി വി ശിവൻകുട്ടി, മുൻ മന്ത്രിമാരായ കെ മുരളീധരൻ, എം എം ഹസ്സൻ, എം വിജയകുമാർ, പന്തളം സുധാകരൻ, , പന്ന്യൻ രവീന്ദ്രൻ എക്സ് എം പി, കടകംപള്ളി സുരേന്ദ്രൻ എം എൽ എ,കിംസ് ഹെൽത്ത് സി എം ഡി ഡോ. എം ഐ സഹദുള്ള, ഡെപ്യൂട്ടി മേയർ ആശ, ബിജെപി നേതാവ് കരമന ജയൻ, ഡി ജി പി രവതാ ചന്ദ്രശേഖരൻ അടക്കം പോലീസ് തലപ്പത്ത് നിന്ന് മറ്റു ഡിജിപിമാർ,എഡിജിപിമാർ തുടങ്ങി നിരവധി പ്രമുഖർ പങ്കെടുത്തു.

മുസ്ലിം അസോസിയേഷൻ ജനറൽ സെക്രട്ടറി എസ് അബ്ദുൽ ലത്തീഫ്,ട്രഷറർ ജെ. ഹഫീസ് ,അഡ്വൌസറി കമ്മിറ്റി വൈസ് ചെയർമാൻ അഡ്വ അബ്ദുൽ കരീം, എന്നിവർ സംഘാടനത്തിന് നേതൃത്വം നൽകി. എം ഇ എസ് ജില്ലാ സെക്രട്ടറി നദീർ കടയറ പ്രോഗ്രാം കോർഡിനേറ്റർ എന്ന നിലയിൽ പ്രവർത്തനങ്ങൾക്ക് ചുക്കാൻ പിടിച്ചു.