ന്യൂനപക്ഷങ്ങളുടെ ഭരണഘടനാപരമായ അവകാശനിഷേധങ്ങൾക്കെതിരെ അണിനിരക്കുക ജമാഅത്ത് ഫെഡറേഷൻ തിരുവനന്തപുരം

ഭരണഘടന, ന്യൂനപക്ഷങ്ങൾക്ക് ഉറപ്പു നൽകുന്ന അവകാശങ്ങൾ നിഷേധിക്കുന്ന നയങ്ങളാണ് ആസാമിലും ഛത്തീസ്ഗഡ് ഉൾപ്പെടെയുള്ള പല സംസ്ഥാനങ്ങളിലും കണ്ടുവരുന്നത്. ന്യൂനപക്ഷ വിഭാഗങ്ങൾ നേരിടുന്ന ഭരണഘടന വിരുദ്ധ പ്രവർത്തനങ്ങൾക്ക് പലപ്പോഴും ഭരണകർത്താക്കൾ തന്നെ നേതൃത്വം നൽകുന്ന ദുരവസ്ഥയാണ് നിലവിൽ കാണുന്നത്. ഭരണഘടന മൂല്യങ്ങളും ജനാധിപത്യവും മതേതരത്വവും നിലനിർത്തുന്നതിനും സംരക്ഷിക്കുന്നതിനും വേണ്ടി ജനാധിപത്യ കക്ഷികൾ ഒരുമിച്ച് നിൽക്കണമെന്ന് കേരള മുസ്ലിം ജമാഅത്ത് ഫെഡറേഷൻ ജില്ലാ കമ്മിറ്റി കേന്ദ്രസർക്കാരിനോട് ആവശ്യപ്പെട്ടു. ജില്ലാ പ്രസിഡന്റ് കെ എച്ച് മുഹമ്മദ് മൗലവിയുടെ അധ്യക്ഷതയിൽ കൂടിയ യോഗത്തിൽ ജില്ലാ ജനറൽ സെക്രട്ടറി അഡ്വക്കേറ്റ് എ എം കെ. നൗഫൽ പ്രമേയം അവതരിപ്പിച്ചു. സംസ്ഥാന വൈസ് പ്രസിഡൻറ് പ്രൊഫ. കെ വൈ.മുഹമ്മദ് കുഞ്ഞ്, ഭാരവാഹികളായ പി.എ.അഹമ്മദ് കുട്ടി , നേമം ഷാഹുൽ ഹമീദ്, തോന്നയ്ക്കൽ കെ വൈ ഷിജു, പനച്ചമൂട് ഷാജഹാൻ, പാ ച്ചല്ലൂർ ഷബീർ മൗലവി, കാരേറ്റ് ഷാജി ,മൻസൂർ മൗലവി വർക്കല, മുഹമ്മദ് ഹനീഫ കണിയാപുരം തുടങ്ങിയവർ പങ്കെടുത്തു.