അശ്വിനി കോളേജ് ഓഫ് നഴ്സിംഗ് ബിരുദദാനവും ദീപോജ്ജ്വലന ചടങ്ങും

തൃശൂർ : അശ്വിനി കോളേജ് ഓഫ് നഴ്സിംഗ് 17-ാം ബാച്ച് ബി.എസ്.സി നഴ്സിംഗ് വിദ്യാർത്ഥികളുടെ ബിരുദദാന ചടങ്ങും 22-ാം ബാച്ച് ബി.എസ്.സി നഴ്സിംഗ് വിദ്യാർത്ഥികളുടെ ദീപോജ്വലന ചടങ്ങും 6-02-2026, രാവിലെ 11 മണിക്ക് കോളേജ് ഓഡിറ്റോറിയത്തിൽ വെച്ച് നടന്നു.

​ചടങ്ങിൽ അശ്വിനി കോളേജ് ഓഫ് നഴ്സിംഗ് പ്രിൻസിപ്പാൾ ഡോ. ലഫ്റ്റനന്റ് കേണൽ റോസി കെ.ഒ സ്വാഗതം പറഞ്ഞു. അശ്വിനി ഹോസ്പിറ്റൽ മാനേജിംഗ് ഡയറക്ടർ ശ്രീ സുഗതൻ കെ.കെ ഉദ്ഘാടനം നിർവ്വഹിച്ചു. കേരള ആരോഗ്യ സർവ്വകലാശാലയുടെ സ്റ്റുഡന്റ് അഫയേഴ്സ് വിഭാഗം ഡീൻ ഡോ. ആശിഷ് ആർ ബിരുദദാന ചടങ്ങ് നിർവ്വഹിച്ചു, വിദ്യാഭ്യാസത്തിൻറെ പ്രാധാന്യം, വിദ്യാർത്ഥികളുടെയും അധ്യാപകരുടെയും ഉത്തരവാദിത്വ൦, ലഹരി വിമുക്ത സമൂഹത്തിനായി യുവതലമുറയുടെ പ്രവർത്തനങ്ങൾ, വ്യക്തിത്വവികസനത്തിന്റെ പ്രാധാന്യം,സാമൂഹിക പ്രവർത്തനത്തിൽ യുവജനതയുടെ പങ്ക് എന്നിവയെ കുറിച്ച് വിശദമായി സംസാരിച്ചു. തൃശ്ശൂർ ജൂബിലി മിഷൻ കോളേജ് ഓഫ് നഴ്സിംഗ് പ്രിൻസിപ്പാൾ ഡോ. സിസ്റ്റർ ജൂഡി എസ്.ഐ.സി വിശിഷ്ടാതിഥിയായിരുന്നു.

​അശ്വിനി കോളേജ് പ്രിൻസിപ്പാൾ ഡോ. ലഫ്റ്റനന്റ് കേണൽ റോസി കെ.ഒ, അശ്വിനി ഹോസ്പിറ്റൽ നഴ്സിംഗ് സൂപ്രണ്ട് ശ്രീമതി ഉഷാറാണി എൽ.ഡി എന്നിവർ ചേർന്ന് 22-ാം ബാച്ച് വിദ്യാർത്ഥികളുടെ ദീപോജ്വലന ചടങ്ങ് നിർവ്വഹിച്ചു.

​തൃശ്ശൂർ ജൂബിലി മിഷൻ നഴ്സിംഗ് കോളേജ് പ്രിൻസിപ്പാൾ ഡോ. സിസ്റ്റർ ജൂഡി എസ്.ഐ.സി, അശ്വിനി ഹോസ്പിറ്റൽ ഡയറക്ടർ ശ്രീ എ.സി. പ്രേമാനന്ദൻ എന്നിവർ ചടങ്ങിൽ സമ്മാനദാനം നിർവ്വഹിച്ചു.

അശ്വിനി ഹോസ്പിറ്റൽ ഡയറക്ടർ ശ്രീ എ. സി. പ്രേമാനന്ദൻ, അശ്വിനി കോളേജ് പി.ടി.എ പ്രസിഡന്റ് ശ്രീ ഷബീർ എച്ച് എന്നിവർ ചടങ്ങിൽ ആശംസകൾ അർപ്പിച്ചു.

​അശ്വിനി കോളേജ് ഓഫ് നഴ്സിംഗ് വൈസ് പ്രിൻസിപ്പാൾ പ്രൊഫ. കവിത ബി, വിദ്യാർത്ഥികൾക്ക് പ്രതിജ്ഞ ചൊല്ലിക്കൊടുത്തു.