ജെ.സി ഡാനിയേൽ ജന്മദിനാഘോഷവും ദേശീയ പുരസ്കാര സമർപ്പണവും 26ന്

തിരുവനന്തപുരം: ജെ.സി ഡാനിയേൽ ഫൗണ്ടേഷന്റെ ( ട്രസ്റ്റ്‌ ) ആഭിമുഖ്യത്തിൽ മലയാള സിനിമയുടെ പിതാവായ ജെ.സി ഡാനിയേലിന്റെ 126- ജന്മദിനാഘോഷത്തിന്റെയും, ദേശീയ പുരസ്കാര സമർപ്പണ ചടങ്ങിന്റെയും ഉദ്ഘാടനം ഈ മാസം 26ന് തൈക്കാട് ഭാരത് ഭവനിൽ വച്ച് മന്ത്രി ജി. ആർ അനിൽ നിർവഹിക്കും. ജെ.സി ഡാനിയേലിന്റെ ജന്മദിനമായ ഫെബ്രുവരി 26 ന് ജെ.സി ഡാനിയേൽ ഫൗണ്ടേഷൻ ‘സിനിമ ദിനമായി’ ആഘോഷിക്കും.

വിവിധ മേഖലകളിൽ വ്യക്തിമുദ്ര പതിപ്പിച്ചവർക്കുള്ള ജെ.സി ഡാനിയേൽ ദേശീയ പുരസ്കാരങ്ങൾ മന്ത്രി രാമചന്ദ്രൻ കടന്നപ്പള്ളി സമർപ്പിക്കും. നടനും, സാംസ്കാരിക പ്രവർത്തകനുമായ പ്രേംകുമാർ ജെ.സി ഡാനിയേൽ ഫൗണ്ടേഷൻ പുരസ്‌കാരം സ്വീകരിക്കും. നെയ്യാറ്റിൻകര മുൻ നഗരസഭ ചെയർമാൻ പി. കെ രാജമോഹനൻ ഫൗണ്ടേഷന്റെ ആദരവ് ഏറ്റുവാങ്ങും. എം എൽ എമാർ, കലാസാംസ്‌കാരിക രംഗത്തുള്ളവർ, ജെ. സി ഡാനിയേൽ കുടുംബാംഗങ്ങൾ തുടങ്ങിയവർ ചടങ്ങിൽ പങ്കെടുക്കുമെന്ന് ജെ. സി ഡാനിയേൽ ഫൗണ്ടേഷൻ ചെയർപേഴ്സൺ സോന എസ് നായർ, മാനേജിങ് ട്രസ്റ്റി സാബു കൃഷ്ണ എന്നിവർ അറിയിച്ചു പരിപാടിയിൽ പ്രശസ്തരുടെ കലാവിരുന്ന്‌ ഉണ്ടായിരിക്കും.

ചലച്ചിത്ര താരം റ്റി. ആർ. ഓമന, മജീഷ്യൻ ടിജോ വർഗീസ്, ഡോ. പി. സി. ചന്ദ്രബോസ്, ഡോ. എ.
കെ. പ്രകാശൻ ഗുരുക്കൾ, ഗായകരായ സുമേഷ് അയിരൂർ, രാധിക അശോക്, താണുവൻ ആചാരി,ആര്യനാട് സത്യൻ, ആറ്റുകാൽ തമ്പി, സജിൻ ജോൺ, ശരത് ചന്ദ്രൻ, ഡോ. അനീഷ് കുറിപ്പ്, അജു.കെ മധു, കുമാർ സോളമൻ, സുരേഷ് തമ്പി, മഞ്ജുളാദേവി, സുജിത് കുമാർ. എം, എസ്. സുഭാഷ്, നിരഞ്ജന സന്ദീപ്, നിഖിൽ മനോമി, ജെ. ഡി സുൽഫി മാനവീയം, ഐസക് ബിജു ജെയിംസ്, ടി.എസ് ശ്രീകുമാർ,ആദിത്യ സുരേഷ്,അലീമത്ത് ഷംന, എന്നിവർ പുരസ്കാരങ്ങൾ ഏറ്റുവാങ്ങും.