ഭിന്നശേഷിക്കാർക്ക് വേണ്ടത് സഹതാപമല്ല, മറിച്ച് തുല്യ അവസരങ്ങളാണ് വി .ശിവൻകുട്ടി

തിരുവനന്തപുരം . ഭിന്നശേഷിക്കാർക്ക് വേണ്ടത് സഹതാപമല്ല, മറിച്ച് തുല്യ അവസരങ്ങളാണ് വേണ്ടതെന്ന് പൊതുവിദ്യാഭ്യാസ തൊഴിൽ വകുപ്പ് മന്ത്രി വി ശിവൻകുട്ടി അഭിപ്രായപ്പെട്ടു. കോഴിക്കോട് കടപ്പുറത്ത് ഈ മാസം ഇരുപത്തിയാറാം തീയതി മുതൽ ഫെബ്രുവരി 1 തീയതി വരെ കേരള ഡിസംബിലിറ്റി ഫെസ്റ്റിവൽ നടത്തുന്നതിന്റെ ഭാഗമായി ഭിന്നശേഷി സൗഹൃദ സന്ദേശ വിളംബരം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.ഭിന്നശേഷിയെ ദൗർബല്യമായി കാണാതെ, സമൂഹം ഏറ്റെടുക്കേണ്ട ഉത്തരവാദിത്വമാണെന്നും തുടർന്ന് പ്രസ്താവിക്കുകയുണ്ടായി. ചടങ്ങിൽ ഭിന്നശേഷി സൗഹൃദ പ്രതിജ്ഞ മുൻ മന്ത്രി അഡ്വക്കേറ്റ് വി എസ്.ശിവകുമാർ ചൊല്ലിക്കൊടുത്തു. തണൽ കന്യാ പ്രസിഡൻറ് കന്യാ റഹീമിന്റെ അധ്യക്ഷതയിൽ കൂടിയ വിളംബര സമ്മേളനത്തിൽ പോഗ്രാം കമ്മിറ്റി കോഡിനേറ്റർ അഡ്വക്കേറ്റ് എ. എം. കെ. നൗഫൽ,. സ്റ്റേറ്റ് ഡിസംബിലിറ്റി അഡ്വൈസർ ബോർഡ് മെമ്പർ ,.വിനോദ് കുമാർ.വി കെ, സ്പോർട്സ് അസോസിയേഷൻ ഫോർ ഡിഫറെൻറ്ലി ഏബിൾ ഓഫ് കേരള , ജനറൽ സെക്രട്ടറി . പി. ശശിധരൻ നായർ, തണൽ വനിതാ വിംഗ് വൈസ് പ്രസിഡൻറ് നസീം ബീവി ടീച്ചർ, ഹെൽപ്പിംഗ് ഹാൻസ് ട്രസ്റ്റ് ചെയർമാൻ മണക്കാട് അഷറഫ്, പെരുമാതുറ തണൽ കോഡിനേറ്റർ ഗ്രീഷ്മ തുടങ്ങിയവർ ആശംസകൾ നേർന്നുകൊണ്ട് സംസാരിച്ചു.