പ്രവാസി ഭാരതീയ കേരള അവാർഡുകൾ പ്രഖ്യാപിച്ചു. ഇ.കെ.നായനാർ സ്മാരക അവാർഡ് പി.എസ്.ശ്രീധരൻ പിള്ള, കെ.ഇ.ഇസ്മയിൽ എന്നിവർക്ക്

തിരു. ഇരുപത്തി നാലാമത് പ്രവാസി ഭാരതീയ ദിനാഘോഷത്തിന് ഇന്നലെ തുടക്കം കുറിച്ചു. കിഴക്കേകോട്ട ഗാന്ധി പാർക്കിൽ തോപ്പിൽ സുരേന്ദ്രൻ നഗറിൽ മുൻ മന്ത്രിയും മുതിർന്ന സി.പി.ഐ നേതാവുമായ സി.ദിവാകരൻ ഉദ്ഘാടനം ചെയ്ത്. കലാ പ്രേമി ബഷീർ ബാബു അദ്ധ്യക്ഷത വഹിച്ചു. നിരവധി പ്രമുഖ വ്യക്തികൾ പങ്കെടുത്ത്.2026 ലെ പ്രവാസി ഭാരതി അവാർഡുകൾ ഔദ്യോഗികമായി വേദിയിൽ വച്ച് പ്രഖ്യാപിച്ചു. നാളെ ( ഞായർ) വൈകുന്നേരം 5-30 ന് തമ്പാനൂർ ടിമോറാ ഹോട്ടലിൽ നടക്കുന്ന സമാപന സമ്മേളനത്തിൽ വച്ച് എൻ.കെ.പ്രേമചന്ദ്രൻ എം പി. വിതരണം ചെയ്യും.
ഇ.കെ.നായനാർ സ്മാരക ദ മാൻ ഓഫ് വിഷൻ അവാർഡിന് ഗോവ മുൻ ഗവർണ്ണർ പി.എസ്. ശ്രീധരൻ പിള്ള, മുൻമന്ത്രി കെ.ഇ.ഇസ്മയിൽ എന്നിവരെ തിരഞ്ഞെടുത്തായി പ്രഖ്യാപിച്ചു. ഡോ.എ. മാർത്താണ്ഡപിള്ള, ബി.എൽ.എം ചെയർമാൻ ആർ. പ്രേംകുമാർ, അക് ബർ ട്രാവൽസ് ചെയർമാൻ കെ.വി അബ്ദുൽ നാസർ, ചലച്ചിത്ര താരം സീമ ജി.നായർ, ഡോ.സി. കാർത്തികേയൻ, അമേരിക്കൻ പ്രവാസികളായ സജിമോൻ ആന്റണി, വിനു ദേവസ്യ, നോഹ ജോർജ്,ടോമി കൊക്കാത്ത്, ജോൺസൺ സാമുവേൽ, അഷ്റഫ് അബ്ദുൽ അസീസ് ഖത്തർ, അബ്ദുള്ള ഹസൻ കുവൈറ്റ്, ഡോ.എം.ആർ തമ്പാൻ തുടങ്ങീ 29 പേർക്കാണ് അവാർഡുകൾ നൽകുന്നത്.
സമാപന സമ്മേളനത്തിൽ വച് ഒരു വർഷം നീണ്ടു നിൽക്കുന്ന സിൽവർ ജൂബിലിയുടെ ഉത്ഘാടനവും നടക്കും.