മുഹമ്മദ് മാഹീന് ജി ഐ എഫ് എ സേവന പുരസ്കാരം സമ്മാനിച്ചു
ദോഹ : ഇൻഡോ അറബ് ഫ്രണ്ട്ഷിപ്പ് സെന്റർ ഇന്ത്യ കോഡിനേറ്ററും കേരള പ്രവാസി ലീഗ് തിരുവനന്തപുര ജില്ലാ സെക്രട്ടറിയും കലാപ്രേമി ഗ്രൂപ്പിന്റെ ചെയർമാനുമായ എം മുഹമ്മദ് മാഹീന് ഗൾഫ് ഇന്ത്യ ഫ്രണ്ട്ഷിപ്പ് അസോസിയേഷൻ്റെ സേവന പുരസ്കാരം ദോഹയിൽ വച്ച് നടന്ന ചടങ്ങിൽ ഖത്തറീ സംരംഭകനും അൽ റഈസ് ഗ്രൂപ്പ് ചെയർമാനുമായ അഹ് മദ് അൽ റഈസ് സമ്മാനിച്ചു. മീഡിയ പ്ലസ് ചെയർമാൻ ഡോ. അമ്മാനുള്ള വളക്കാങ്കര ചടങ്ങിൽ അധ്യക്ഷത വഹിച്ചു. ഡോ. ഷീല ഫിലിപ്പ്, ഫൗസിയ അക്ബർ, ജോബി കെ ജോൺ, ജോസ് ഫിലിപ്പ്, മുഹമ്മദ് നൗഷാദ് തുടങ്ങിയ ഖത്തറിലെ വ്യവസായ പ്രമുഖർ ചടങ്ങിൽ പങ്കെടുത്തു സംസാരിച്ചു.
വിദേശ മലയാളികളുടെ പ്രശ്നങ്ങൾക്ക് ശാശ്വതമായ പരിഹാരം കാണുന്നതിനു വേണ്ടി പ്രവർത്തിച്ചു വരുന്ന ഇൻഡോ – അറബ് ഫ്രണ്ട്ഷിപ്പ് സെന്ററിന്റെ ഇന്ത്യ കോർഡിനേറ്ററാണ് മുഹമ്മദ് മാഹീൻ. സാമൂഹ്യ സേവന പ്രവർത്തനങ്ങളെ മുൻനിർത്തിയാണ് ഖത്തറിലെ ഗൾഫ് ഇന്ത്യ ഫ്രണ്ട്ഷിപ്പ് അസോസിയേഷൻ പുരസ്കാരം നൽകി ആദരിച്ചത്. ചടങ്ങിൽ ഷറഫുദ്ദീൻ സ്വാഗതവും കാക്കൂ നന്ദിയും രേഖപ്പെടുത്തി.