അന്താരാഷ്ട്ര അറബി ഭാഷാ ദിനം ആചരിച്ചു

കൊട്ടിയം. കേരള റിട്ടയേഡ് അറബി അധ്യാപക സംഗമത്തിന്റെ നേതൃത്വത്തിൽ അന്താരാഷ്ട്ര അറബി ഭാഷ ദിനവും ഉല്ലാസ ബോട്ട് യാത്രയും സംഘടിപ്പിച്ചു. മുൻ കെ എ എം എ ജനറൽ സെക്രട്ടറി എം എ സമദ് ഉദ്ഘാടനം നിർവഹിച്ചു. അറബി ഭാഷയുടെ നിലനിൽപ്പിന് ഖുർആൻ വഹിക്കുന്ന പങ്ക് എന്ന വിഷയം വെമ്പായം എം അബ്ദുൽ വാഹിദും മനുഷ്യ സംസ്കാരത്തിന് അറബി ഭാഷയുടെ സംഭാവന എന്ന വിഷയം എം കമാലുദ്ദീനും മലയാളഭാഷയിൽ നിത്യം ഉപയോഗിച്ചുകൊണ്ടിരിക്കുന്ന അറബി പദങ്ങൾ എന്ന വിഷയം ഡോക്ടർ എ എം മുഹമ്മദ് ബഷീറും അവതരിപ്പിച്ചു. സ്വന്തമായി അറബിക്കവിത രചിച്ചു ആലപിച്ച ബഷീർ ജാൻ പ്രശംസ പിടിച്ചു പറ്റി. അറബിക് കവിതകളും കഥകളും അവതരിപ്പിച്ചുകൊണ്ട് അറബി അധ്യാപികമാർ സദസ്സിന് മാറ്റുകൂട്ടി ഒന്നും രണ്ടും പിണറായി സർക്കാർ പ്രകടനപത്രികയിൽ വാഗ്ദാനം ചെയ്തിട്ടുള്ള അറബി സർവകലാശാല സ്ഥാപിക്കണമെന്നും സംഗമം പ്രമേയത്തിലൂടെ ആവശ്യപ്പെട്ടു. പ്രസിഡൻറ് വി കെ ആസാദ് മൗലവി അധ്യക്ഷനായിരുന്നു.നാസറുദ്ദീൻ മന്നാനി താഹിറുദ്ദീൻ കുട്ടി കെ സൈനുദ്ദീൻ കുട്ടി എസ് നാസറുദ്ദീൻ പ്രൊഫസർ ഈ ഷറഫുദ്ദീൻ ഡോക്ടർ മുഹമ്മദ് ബഷീർ ശിവഗിരി ജെ എം നാസറുദ്ദീൻ തേവലക്കര വി ഫാത്തിമ ബീവി ലൈല ബീവി എ റുഖിയ ബീവി എം ഷാഹിദാ ബീവി എന്നിവർ പ്രസംഗിച്ചു.