മലയാളി ചിത്രകാരെ ഉൾപ്പെടുത്തി ഗോവ കലാ അക്കാദമിയിൽ ഇൻ്റർനാഷണൽ ആർട്ട് ഫെസ്റ്റിവൽ നവം 10 ന് തുടക്കം

കൊച്ചി:കേരളത്തിൽ കേന്ദ്രീകരിച്ചു പ്രവർത്തിക്കുന്ന ആർട്ടിസ്റ്റ് ഗ്രൂപ്പ് ഗോവ ആർട്ട് ഫെസ്റ്റിവൽ സീസൺ – 1 എന്ന പേരിൽ ഗോവയിൽ ചിത്രകലാ പ്രദർശനം സംഘടിപ്പിക്കുന്നു. നവം: 10 മുതലാണ് പ്രദർശനം.

ഗോവ പനജിയിലെ പ്രസിദ്ധമായ കല അക്കാദമിയിലാണ് പ്രദർശനം.
കേരളത്തിനകത്തും പുറത്തുമുള്ള നാൽപതോളം പ്രമുഖ കലാകാരന്മാരുടെ ചിത്രങ്ങൾ പ്രദർശനത്തിനെത്തും.

ഗോവയിലെ ജനശ്രദ്ധ ആകർഷിക്കപ്പെടുന്ന ഫെസ്റ്റിവലിൽ പ്രധാനപ്പെട്ട ഒന്നാണ് പ്രസിദ്ധമായ കല അക്കാദമിയിൽ നടക്കുന്ന ഇൻ്റർനാഷണൽ ഫിലിം ഫെസ്റ്റിവൽ.
എല്ലാ വർഷവും നവംബറിലാണ് ഫെസ്റ്റിവൽ നടന്നുകൊണ്ടിരിക്കുന്നത്. ഫിലിം ഫെസ്റ്റിവലിന് മുന്നോടിയായാണ് ഗോവ ഇൻ്റർനാഷണൽ ആർട്ട് ഫെസ്റ്റി വൻ സീസൺ – 1 എന്ന പേരിലുള്ള പ്രദർശനത്തിന് തുടക്കം.
മലയാളിയായ ചിത്രകാരി തൃശ്ശൂർ ജില്ലയിലെ moonupeedika സ്വദേശി രഹന ആണ്
പ്രദർശനത്തിൻ്റെ കോഓർഡിനേറ്ററും ക്യുറേറ്ററും.

ഇന്ത്യക്കകത്ത് നിന്നുള്ള ചിത്രകാരന്മാരോടൊപ്പം ശ്രീലങ്കയിൽ നിന്നുള്ള കലാകാരന്മാരും പങ്കെടുക്കുന്ന ഈ ഫെസ്റ്റിവൽ വിദേശികളെയും സ്വദേശികളെയും ആകർഷിക്കുന്ന തരത്തിലാണ് പ്രദർശനം ഒരുക്കിയിരിക്കുന്നത്.
സാധാരണ പ്രദർശനത്തിൽ നിന്ന് വ്യത്യസ്ഥമായി അഭിരുചിക്കനുസരിച്ച് വിവിധ ചിത്രകലാ മേഖലകളെ തരംതിരിച്ച് അണിയിച്ചൊരുക്കിയിരിക്കുന്നു. ചെറുതും വലുതുമായ വ്യത്യസ്ഥമായ ചിത്രങ്ങൾ മിതമായ വിലയിൽ വാങ്ങുന്നതിനും കഴിയും.
നവം: 13 ന് പ്രദർശനം അവസാനിക്കും.