പരിസ്ഥിതി സംരക്ഷണത്തിന് പ്രവാചക മാതൃക അനുകരണീയം-മന്ത്രി . വി .ശിവൻകുട്ടി*
തിരു: പരിസ്ഥിതി സംരക്ഷണം, ലോകത്തിൻറെ നിലനിൽപ്പിന് അനിവാര്യമാണെന്നുള്ള , പ്രവാചകൻ്റെ അധ്യാപനങ്ങൾ ഏറെ പ്രസക്തമായി കൊണ്ടിരിക്കുകയാണെന്ന് പൊതുവിദ്യാഭ്യാസ തൊഴിൽ വകുപ്പ് മന്ത്രി വി ശിവൻകുട്ടി പറഞ്ഞു. പ്രവാചകന് മുഹമ്മദ് നബിയുടെ 1500 മത് നബിദിനാഘോഷങ്ങളുടെ ഭാഗമായി, പ്രവാചക സ്മരണയിൽ ഒരു വൃക്ഷത്തൈ നടൂ എന്ന ക്യാമ്പയിന്റെ ഭാഗമായി, കേരള മുസ്ലിം ജമാഅത്ത് ഫെഡറേഷൻ സംസ്ഥാന വ്യാപകമായി ഒരു ലക്ഷം ഫലവൃക്ഷതൈകൾ നട്ടുവളർത്തുന്നതിന്റെ ജില്ലാ തല ഉദ്ഘാടനത്തോടനുബന്ധിച്ച് മന്ത്രിയുടെ ഔദ്യോഗിക വസതിയായ റോസ് ഹൗസി ൽ നടന്ന പരിപാടിയിൽ വൃക്ഷത്തൈ നട്ടുകൊണ്ട് ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം . കേരള മുസ്ലിം ജമാഅത്ത് ഫെഡറേഷൻ ജില്ലാ പ്രസിഡന്റ് കെ എച്ച് മുഹമ്മദ് മൗലവി അധ്യക്ഷത വഹിച്ച യോഗത്തിൽ ,ജില്ലാ ജനറൽ സെക്രട്ടറി അഡ്വക്കേറ്റ് എ എം കെ നൗഫൽ, ഭാരവാഹികളായ പച്ചലൂർ ഇസ്മായിൽ മൗലവി ,പ്രൊഫസർ കെ വൈ മുഹമ്മദ് കുഞ്ഞ്, നേമം ഷാഹുൽഹമീദ് പി അഹമ്മദ് കുട്ടി, മുണ്ടക്കയം ഹുസൈൻ മൗലവി, പനച്ചമൂട് ഷാജഹാൻ, പച്ചല്ലൂർ ഷബീർ മൗലവി തുടങ്ങിയവർ പങ്കെടുത്തു.കേരള മുസ്ലിം ജമാഅത്ത് ഫെഡറേഷൻ,
പ്രവാചക സ്മരണയിൽ ഒരു വൃക്ഷത്തൈ നടൂ എന്ന ക്യാമ്പയിന്റെ ഭാഗമായി ജില്ലാ കമ്മിറ്റി സംഘടിപ്പിച്ച പരിപാടിയിൽ മന്ത്രി വി ശിവൻകുട്ടി വൃക്ഷത്തൈ നട്ടുകൊണ്ട് ഉദ്ഘാടനം നിർവഹിക്കുന്നു.