പാച്ചല്ലൂർ ഗവണ്മെന്റ് എൽ പി സ്കൂൾ ജങ്ഷനിൽ നിന്നും വീണ്ടും കെ എസ് ആര് ടി സി ബസ് സർവീസിന് തുടക്കം കുറിച്ചു

കോവളം :ഒരു പതിറ്റാണ്ടിന് ശേഷം പാച്ചല്ലൂർ ഗവണ്മെന്റ് എൽ പി സ്കൂൾ ജങ്ഷനിൽ നിന്നും വീണ്ടും കെ എസ് ആര് ടി സി ബസ് സർവീസിന് തുടക്കം കുറിച്ചു. പാച്ചല്ലൂർ എൽ പി സ്കൂൾ ജംഗഷനിൽ നിന്നും മുടവൻമുകളിലേക്ക് പോകുന്ന ബസ് സർവിസിനാണ് തുടക്കം കുറിച്ചത്. കേരള കോൺഗ്രസ്‌ ബി തിരുവനന്തപുരം ജില്ലാ വർക്കിങ് പ്രസിഡന്റ്‌ പാച്ചല്ലൂർ ജയചന്ദ്രന്റെ അദ്ധ്യക്ഷതയിൽ കൂടിയ ചടങ്ങിൽ വച്ച് കൗൺസിലർ പനത്തൂറ പി ബൈജു ഫ്ലാഗ് ഓഫ് ചെയ്തു ഉൽഘാടന കർമ്മം നിർവഹിച്ചു.

പാച്ചല്ലൂർ മുസ്ലിം ജമാഅത് പ്രസിഡന്റ്‌ പാച്ചല്ലൂർ നുജുമുദ്ധീൻ, സംഗീത സംവിധായാകൻ വാഴാമുട്ടം ചന്ദ്രബാബു, വാഴാമുട്ടം രാധാകൃഷ്ണൻ, വെള്ളാർ സാബു, ഷിബു സേതു നാഥ്, എൻ പദ്മകുമാർ, ഡി പ്രശാന്തൻ,ഗിരിജ സുകുമാരൻ,ഹാർബർ വിജയൻ, ശ്രീകണ്ഠൻ നായർ, അബ്ദുൽ റഹിം,തുടങ്ങിയവർ ചടങ്ങിൽ പങ്കെടുത്തു. ഡി ജയകുമാർ ചടങ്ങിന് സ്വാഗതം പറഞ്ഞു. ചടങ്ങിൽ ബസ് ഡ്രൈവറെയും കണ്ടക്ടറെയും പാച്ചല്ലൂർ ജയചന്ദ്രനെയും മറ്റു ബസ് ജീവനക്കാരെയും ആദരിച്ചു. തുടക്കത്തിൽ രണ്ടു ഷെഡ്യൂളുകൾ ഉള്ള സർവീസ് നാലു ഷെഡ്യൂളുകളായി വർദ്ധിപ്പിക്കുമെന്ന് അധികൃതർ പറഞ്ഞു. രാവിലെ 8.30നും വൈകുന്നേരം 3.15 നും ആണ് ബസ് സർവീസ് നടത്തുക.