കുട്ടികളുടെ സംരക്ഷണത്തിനുള്ള ജനകീയ കൂട്ടായ്മ

എന്താണ് ചൈൽഡ് പ്രൊട്ടക്റ്റ് ടീം അഥവാ സി. പി . റ്റി.
KSR/CA/5/2017

(കുട്ടികളുടെ സംരക്ഷണത്തിനുള്ള ജനകീയ കൂട്ടായ്മ)

ചൈല്‍ഡ് പ്രൊട്ടക്റ്റ് ടീം എന്ന പേരിൽ രജിസ്ട്രേഷൻ ഉള്ള കേരളത്തിലുടനീളം ബാലാവകാശ കമ്മിഷൻ,
ശിശുക്ഷേമ സമിതി,
പോലീസ്, എക്സൈസ്,, DCPU, CWC, CYBER CELL തുടങ്ങി സർക്കാർ സംവിധാനങ്ങളോട് ചേർന്ന് കുട്ടികളുടെ സുരക്ഷയ്ക്കും ഉന്നമനത്തിനും വേണ്ടി കേരളത്തിലെ 14 ജില്ലകള്‍ക്ക് പുറമേ ഇതര സംസ്ഥാനങ്ങളിലും,
യു എ ഇ, സൗദി അറേബ്യ, കുവൈത്ത്, ഖത്തര്‍, ബഹ്‌റൈൻ, ഒമാൻ എന്നീ ഗള്‍ഫ് രാജ്യങ്ങളിലും ശക്തമായ കമ്മിറ്റികളും പ്രവര്‍ത്തകരും ഉണ്ട്.

Motto : സുരക്ഷിത ബാല്യം നമ്മുടെ കടമ

മിഷൻ : കുട്ടികൾക്കെതിരായ അക്രമം, പീഡനം, ചൂഷണം എന്നിവയിൽ നിന്ന് കുട്ടികളെ സംരക്ഷിക്കുകയും അവർക്കാവശ്യമായ നിയമസഹായം നൽകുന്നതിനോടൊപ്പം, ആരോഗ്യം , വിദ്യാഭ്യാസം,
സാമൂഹിക സുരക്ഷ, സാമൂഹിക ക്ഷേമം, പുനരധിവാസം, എന്നീ അവകാശങ്ങൾ എല്ലാ കുട്ടികൾക്കും ജാതി-മത-വർഗ്ഗ-വർണ്ണ വ്യത്യാസമില്ലാതെ തുല്യമായി ലഭിക്കുന്ന സാഹചര്യം ഉണ്ടാക്കിയെടുക്കാൻ പ്രയത്നിക്കുക.

വിഷൻ :
ഓരോ കുട്ടിയും സ്വന്തം അവകാശങ്ങളെ കുറിച്ച് മനസ്സിലാക്കുകയും, അവ നേടിയെടുക്കുകയും ചെയ്യുന്ന ഒരു സാഹചര്യത്തിലേക്ക് പുതു തലമുറയെ വാർത്തെടുക്കുക.

എന്തിനാണ് സി.പി .റ്റി ?

സമൂഹത്തില്‍ കുട്ടികള്‍ നേരിടേണ്ടി വരുന്ന ചൂഷണങ്ങള്‍ക്കെതിരെയും, പീഡനങ്ങള്‍ക്കെതിരെയും പ്രവര്‍ത്തിക്കുകയും, കുട്ടികൾക്ക് നിയമ സഹായം നല്‍കുകയും ചെയ്യുന്നതോടൊപ്പം കുട്ടികളിലെ ലഹരി ഉപയോഗങ്ങള്‍ക്കെതിരെയും, വീട് വിട്ടിറങ്ങി പോകുന്ന പ്രവണതയ്‌ക്കെതിരെയും ബോധവല്‍ക്കരണം നടത്തുകയും , കുട്ടികള്‍ക്ക് എതിരെയുള്ള എല്ലാ തരത്തിലുള്ള അക്രമവും തടയാൻ പ്രവർത്തിക്കുക തുടങ്ങി കുട്ടികള്‍ നേരിടുന്ന എല്ലാ പ്രശ്‌നങ്ങളിലും ഇടപെട്ട് അവരുടെ അവകാശങ്ങള്‍ നേടി കൊടുക്കാനായി പ്രവർത്തിക്കുന്നു.

ഉദ്ദേശ ലക്ഷ്യങ്ങൾ

• ജാതി-മത-വര്‍ഗ്ഗ-
  വര്‍ണ്ണ വ്യത്യാസത്തിനതീതമായി വിദ്യാഭ്യാസം, ആരോഗ്യം, സാമൂഹിക സുരക്ഷ, സാമൂഹിക നന്മ, എന്നിവ ലക്ഷ്യമിട്ട് പ്രവര്‍ത്തിക്കുക.
  കുട്ടികളുടെ സംരക്ഷണത്തിനായി പ്രവര്‍ത്തിക്കുക.
• നിലവില്‍ രക്ഷാകര്‍ത്താക്കളില്ലാത്ത കുട്ടികളുടെ പുനരധിവാസത്തിന് ആവശ്യമായ സഹായം ചെയ്യുക.
• കുട്ടികളെ ഉപയോഗിച്ച് ഭിക്ഷാടനം നടത്തുന്നതിനെതിരെ പ്രവര്‍ത്തിക്കുക
• കുട്ടികളെ ഉപയോഗിച്ച് ബാലവേല നടത്തുന്നതിനെതിരെ പ്രവര്‍ത്തിക്കുക.
• കുട്ടികളെ തട്ടിക്കൊണ്ടുപോവുക, ശാരീരികവും മാനസികവുമായി പീഡിപ്പിക്കുകയും ചെയ്യുന്നതിനെതിരെ പ്രവർത്തിക്കുക.
• കാണാതാവുന്ന കുട്ടികളെ കണ്ടെത്താന്‍ സഹായിക്കുക.
• കുട്ടികള്‍ക്ക് എതിരെയുള്ള ലൈംഗീക അതിക്രമങ്ങള്‍ ശ്രദ്ധയില്‍പെട്ടാല്‍ പ്രതികരിക്കുകയും, നിയമനടപടികള്‍ എടുക്കാന്‍ സഹായിക്കുകയും ചെയ്യുക.
• അന്യ സംസ്ഥാനത്തു നിന്ന് വൈകല്യമുള്ള യാചകരെ കൂട്ടമായി കൊണ്ടുവന്ന് കേരളത്തില്‍ ഭിക്ഷ എടുപ്പിക്കുന്ന മാഫിയകൾക്ക് തടയിടുക.
• സംസ്ഥാനത്തിന് അകത്ത് യാചക പ്രവൃത്തി നടത്തി ജീവിതമാര്‍ഗ്ഗം കണ്ടെത്തുന്നവരെ പുനരധിവസിപ്പിക്കാന്‍ ആവശ്യമായ സഹായങ്ങള്‍ ചെയ്യുക.
• മദ്യം, മയക്കുമരുന്ന്, ലഹരിപദാര്‍ത്ഥങ്ങള്‍, സ്ത്രീകളോടും കുട്ടികളോടുമുള്ള അതിക്രമങ്ങള്‍ തുടങ്ങിയ സാമൂഹ്യവിരുദ്ധ പ്രവര്‍ത്തനങ്ങള്‍ക്കെതിരെ പ്രതികരിക്കുകയും ബോധവല്‍ക്കരണം നടത്തുകയും ചെയ്യുക.
• കുട്ടികളുടെ സുരക്ഷയും വിദ്യാഭ്യാസവുമായി ബന്ധപ്പെട്ട വിഷയങ്ങളില്‍ ബോധവല്‍ക്കരണവും ആവശ്യമായ സഹായങ്ങളും നല്‍കുക.
• കുട്ടികളുടെ ക്ഷേമ പ്രവർത്തങ്ങളുമായി ബന്ധപ്പെട്ട സര്‍ക്കാര്‍, മറ്റു പ്രസ്ഥാനങ്ങള്‍ തുടങ്ങിയവരുമായി സഹകരിച്ചു പ്രവര്‍ത്തിക്കുക.
• സാമൂഹ്യ വിരുദ്ധ പ്രവര്‍ത്തനങ്ങള്‍ക്കെതിരെ പ്രതികരിക്കുകയും,
  പൊതുജന നന്മയ്ക്ക് മുന്‍ തൂക്കം നല്‍കി പ്രവര്‍ത്തിക്കുകയും ചെയ്യുക.
• സമൂഹ നന്മയ്ക്ക് ആവശ്യമാണെന്ന് ബോധ്യമാകുന്ന മറ്റു പ്രവര്‍ത്തനങ്ങള്‍ ഏറ്റെടുത്ത് നടത്തുക.

🌀 ഘടന
സംസ്ഥാന കൗൺസിൽ

അംഗത്വം

കുട്ടികളുടെ ക്ഷേമത്തിനും സുരക്ഷയ്ക്കും വേണ്ടി പ്രവർത്തിക്കാൻ സജ്ജരായ പ്രായ പൂർത്തിയായവർക്ക് പ്രതിദിനം ഒരു രൂപ അമ്പത് പൈസ എന്ന കണക്കിൽ ആകെ 550 രൂപ അംഗത്വ ഫീസും 100 രൂപ വരിസംഖ്യയും അടച്ച് സംസ്ഥാന കമ്മിറ്റി അംഗികാരത്തോടെ അംഗത്വം നേടുന്നവർ ചേർന്ന സംസ്ഥാന ജനറൽ ബോഡിയാണ് സംസ്ഥാന കൗൺസിൽ.

ജില്ലാ കൗൺസിൽ
പ്രതിദിനം ഒരു രുപ കണക്കിൽ 365 രൂപ അംഗത്വ ഫീസും നിശ്ചിത മാസവരിയും അടച്ച് ജില്ലാ തല അംഗത്വം എടുക്കാവുന്നതാണ്. ജില്ലയിൽ നിന്നും ജില്ലാ സെക്രട്ടറിക്ക് സ്വാഭാവിക സംസ്ഥാന കൗൺസിൽ അംഗത്വവും മണ്ഡലം സെക്രട്ടറിക്ക് ജില്ലാ കൗൺസിൽ അംഗത്വവും ലഭിക്കുന്നതാണ്.

•  സംസ്ഥാന കമ്മിറ്റിയുടെ കീഴില്‍ പ്രവര്‍ത്തിക്കുന്ന 14 ജില്ലാ കമ്മിറ്റികളും, ജില്ലാ കമ്മിറ്റിക്കു കീഴില്‍ പ്രവര്‍ത്തിക്കുന്ന മണ്ഡലം കമ്മിറ്റികളും രൂപികരിച്ച് പ്രവർത്തിക്കാവുന്നതാണ്.
  നിയോജക മണ്ഡലത്തിന്റെ അടിസ്ഥാനത്തിലാണ് മണ്ഡലം കമ്മിറ്റികള്‍ രൂപീകരിക്കേണ്ടത്.

സംഘടനയുടെ താഴെ തട്ടില്‍ നിന്ന് വരുന്ന നിര്‍ദ്ദേശങ്ങളും മേല്‍ഘടകത്തില്‍ നിന്ന് വരുന്ന നിര്‍ദ്ദേശങ്ങളും കൂടിയിരുന്ന് ചര്‍ച്ച ചെയ്ത് എടുക്കുന്ന തീരുമാനങ്ങളിലൂടെയാണ് നയം രൂപീകരിക്കുന്നത്.

കാലാനുസൃതമായി നയങ്ങള്‍ സമൂഹ നന്മക്ക് ഉതകുന്ന രീതിയില്‍ പുന:സൃഷ്ടിച്ചു കൊണ്ടിരിക്കും.

സംസ്ഥാന കമ്മിറ്റിയിലാണ് ഇത് സംബന്ധിച്ച അന്തിമ തീരുമാനങ്ങള്‍ കൈ കൊള്ളുന്നത്.

👫 ആര്‍ക്കൊക്കെ സി പി റ്റി യില്‍ അംഗമാവാം?

• 18 വയസ്സ് പൂര്‍ത്തിയായ, ലാഭേച്ഛയില്ലാതെ സാമൂഹ്യ പ്രവര്‍ത്തനം നടത്താന്‍ താല്പര്യമുള്ള ആര്‍ക്കും സംഘടനയില്‍ അംഗമാവാം.
  ജില്ലാ കമ്മിറ്റികള്‍ വഴി ലഭിക്കുന്ന നിശ്ചിത മെമ്പര്‍ഷിപ്പ് ഫോറത്തില്‍ പേര് വിവരങ്ങളോടൊപ്പം, ഫോട്ടോയും ഏതെങ്കിലും ഒരു ഐഡി പ്രൂഫ് കോപ്പിയും മെമ്പര്‍ഷിപ്പ് തുകയും നല്‍കേണ്ടതാണ്.
  മെമ്പര്‍ഷിപ് കാലാവധി ഒരുവര്‍ഷം ആയിരിക്കും.

പ്രധാന പ്രവർത്തനങ്ങൾ

1. ബോധവൽക്കരണ ക്ലാസ്സുകൾ*

ശൈശവം, ബാല്യം, കൗമാരം എന്നീ ഘട്ടങ്ങളിൽ കുട്ടികൾ നേരിടുന്ന വിവിധ പ്രശ്നങ്ങൾ പരിഹരിക്കാനും, കുട്ടികളിലെ ലഹരി ഉപയോഗം,
ഫോൺ അഡിക്ഷൻ, സൈബർ കുറ്റ കൃത്യങ്ങൾ എന്നിവ ഇല്ലാതാക്കാൻ ബോധവൽക്കരണ ക്ലാസ്സുകൾ സംഘടിപ്പിച്ച് വരുന്നു. “പോസിറ്റീവ് പേരെന്റിങ്” എന്ന വിഷയത്തിൽ രക്ഷിതാക്കൾക്കും ബോധവത്കരണ ക്ലാസ്സുകൾ നൽകിവരുന്നു.

2. “ആശ്വാസ് കൗൺസിലിംഗ് ” പദ്ധതി

കുട്ടികളിലെ വിവിധ മാനസിക പ്രശ്‌നങ്ങൾ പരിഹരിക്കുന്നതിനും, ലഹരിക്ക് അടിമപ്പെട്ട കുട്ടികൾ, ഫോൺ അഡിക്ഷൻ ഉള്ള കുട്ടികൾ, പരീക്ഷാ പേടിയുള്ള കുട്ടികൾ എന്നിവർക്കും പ്രത്യേകം കൗൺസിലിംഗ് നടത്തിവരുന്നു. ആശ്വാസ് എന്ന പേരിൽ നടത്തുന്ന കൗൺസിലിംഗ് ജനമൈത്രി പോലീസുമായി സാഹകരിച്ചും അംഗൻവാടികൾ കേന്ദ്രീകരിച്ചും നടത്തിവരുന്നു.
ടെലി കൗൺസിലിംഗ് സംവിധാനവും നിലവിലുണ്ട്

3. ആസ്റ്റർ മിംസ് ഹോസ്പിറ്റലുമായി സഹകരിച്ച് സൗജന്യ ചികിത്സാ പദ്ധതി

നിർദ്ധനരായ കുടുംബത്തിലെ കുട്ടികൾക്ക് ഉണ്ടാകുന്ന മാരക രോഗങ്ങൾക്ക് സൗജന്യ ചികിത്സ കണ്ണൂർ ആസ്റ്റർ മിംസ് ഹോസ്പിറ്റലുമായി ചേർന്ന് ഒരുക്കി വരുന്നു.

4. കാണാതാകുന്ന കുട്ടികളെ കണ്ടെത്താന്‍ സി.പി.റ്റി മിസ്സിംങ്ങ് ട്രാക്ക് സിസ്റ്റം.

കാണാതാകുന്ന കുട്ടികളെ കണ്ടെത്താന്‍
24 മണിക്കൂറും പ്രവര്‍ത്തിക്കുന്ന സന്നദ്ധ സേവകര്‍ സംഘടനയുടെ മുതല്‍കൂട്ട്.
ഒരു കുട്ടിയെ കാണ്മാനില്ല എന്ന വിവരം രക്ഷിതാക്കള്‍ അറിയിച്ചാല്‍ ആദ്യം സ്ഥലത്തെ സ്റ്റേഷനില്‍ പരാതി നല്‍കാന്‍ നിര്‍ദ്ദേശിക്കും.
ശേഷം കുട്ടിയെ കാണാതായിട്ടുള്ള അനൗദ്യോഗിക റിപ്പോര്‍ട്ട് കുട്ടികളെ ട്രാക്ക് ചെയ്യുന്ന സര്‍ക്കാറിന്റെ സംവിധാനങ്ങളായ പോലീസ് ട്രാഫിക് വിഭാഗം, ബസ്റ്റാന്റ് പരിസരത്ത് ഡ്യൂട്ടി ഉള്ളവരിലേക്കും, റെയില്‍വേ പ്രൊട്ടക്ഷന്‍ ഫോഴ്‌സ്, ചൈല്‍ഡ് ലൈന്‍, തണല്‍ എന്നിവര്‍ക്ക് കൈമാറും.
24 മണിക്കൂറിന് ശേഷവും കുട്ടിയെ കണ്ടെത്താന്‍ കഴിഞ്ഞില്ലെങ്കില്‍ എഫ് ഐ ആര്‍ ഇട്ടതിന് ശേഷം രക്ഷിതാക്കളുടെ സമ്മതപത്രത്തോടെ കുട്ടിയുടെ ഫോട്ടോ ഉള്‍പ്പടെ സിപി റ്റി ജില്ല ഹെല്‍പ് ലൈന്‍ നമ്പറോട് കൂടിയ മിസ്സിംഗ് പോസ്റ്റ് തയ്യാറാക്കി സോഷ്യൽ മീഡിയ, വെബ്‌സൈറ്റ് എന്നിവയില്‍ അപ് ലോഡ് ചെയ്ത് കുട്ടിയെ കണ്ടെത്താന്‍ സഹായിക്കും. കുട്ടിയെ കണ്ടെത്തിയാൽ ക്യാന്‍സല്‍ പോസ്റ്റ് പബ്ലിഷ് ചെയ്യും.

ഇത്തരത്തിൽ കാണാതാകുന്ന / ഒളിച്ചോടുന്ന കുട്ടികളെ കണ്ടെത്തിയാല്‍ കുട്ടികൾക്ക് കൗണ്‍സിലിംങ്ങ് കൂടി നൽകിവരുന്നു

5. വ്യാജ വാര്‍ത്തകള്‍ തടയാനും അത് സംബന്ധിച്ച് അന്വേഷണം നടത്താനും _സിപി റ്റി ആക്ഷന്‍ ഫോഴ്‌സ്_

സോഷ്യല്‍ മീഡിയ വഴി പ്രചരിക്കുന്ന വ്യാജ വാര്‍ത്തകൾ കണ്ടെത്താന്‍ 24 മണിക്കൂറും പ്രവര്‍ത്തിക്കുന്ന സന്നദ്ധ സേവകര്‍ ഉൾപ്പെടുന്ന സംഘടനയുടെ ആക്ഷൻ ടീം. ലോകത്ത് എവിടെ നിന്നും കുട്ടികള്‍ അനുഭവിക്കുന്ന പീഡനങ്ങള്‍, യാതനകള്‍,വേദനകള്‍, അക്രമങ്ങള്‍ എന്നിവയുടെ ഉറവിടം കണ്ടെത്താന്‍ ആക്ഷന്‍ ഫോഴ്‌സ് ടീം മികച്ച പ്രവര്‍ത്തനം കാഴ്ച വെക്കുന്നു. ഇരകള്‍ക്ക് നീതി വാങ്ങി നല്‍കുന്നതില്‍ ശ്രദ്ധിക്കുന്നു. ഇതുമായി ബന്ധപ്പെട്ട് പോലീസ് സംവിധാനങ്ങളുമായി സഹകരിച്ച് പ്രവര്‍ത്തിക്കുന്നു.

6. ആംബുലന്‍സ് മിഷന്‍ ദൗത്യങ്ങള്‍/ മിഷന്‍ ഗ്രൂപ്പുകള്‍.

കേരളത്തില്‍ അത്യാസന്ന നിലയിലുള്ളതും ജന്മനാ ഗുരുതര രോഗങ്ങൾ ഉള്ളതുമായ നിരവധി കുട്ടികളെ ഹോസ്പിറ്റലുകളില്‍ നിന്ന് വിദഗ്ദ്ധ ചികിത്സകള്‍ക്ക് സുരക്ഷിതമായി ഹോസ്പിറ്റലുകളിലേക്ക് കൊണ്ട് പോകാന്‍ റോഡിലൂടെ വഴിയൊരുക്കാന്‍ സോഷ്യല്‍മീഡിയയുടെ സഹായത്തോടെ പ്രചരണം നടത്തി സുരക്ഷിത യാത്ര ഒരുക്കി നിരവധി കുഞ്ഞുങ്ങളുടെ ജീവൻ രക്ഷിക്കുന്നതില്‍ പ്രധാന പങ്ക് വഹിച്ചു വരുന്നു. കുട്ടികള്‍ക്കുള്ള സര്‍ക്കാര്‍ സൗജന്യ ചികിത്സ സംവിധാനങ്ങളെ കുറിച്ച് വ്യക്തമായ ഗൈഡ് ലൈന്‍ നല്‍കുന്നു.

7. CPT ദുരന്ത നിവാരണ സേന ഗ്രൂപ്പുകൾ.

മഴക്കാല പ്രളയം, ഉരുള്‍പൊട്ടല്‍, വെള്ളപ്പൊക്കം എന്നീ ദുരന്തങ്ങളില്‍ പെടുന്നവരെ സഹായിക്കാന്‍ വിവിധ ഗ്രൂപ്പുകളിലായി 1000 ത്തോളം അംഗങ്ങളിലൂടെ നിരവധി സഹായങ്ങള്‍ ചെയ്തു വരുന്നു. ദുരന്ത സമയത്ത് മാത്രം പ്രവര്‍ത്തിക്കുന്നു. മാധ്യമപ്രവര്‍ത്തകരും റെസ്‌ക്യൂ ഉദ്യോഗസ്ഥരും പ്രധാന പങ്ക് വഹിക്കുന്നു. ദുരന്തം എറ്റു വാങ്ങിയവര്‍ക്ക് സഹായം എത്തിക്കുന്നു. കുട്ടികള്‍ക്ക് പഠനോപകരണങ്ങള്‍ സാമൂഹ്യപ്രവര്‍ത്തകരുടെ സഹായത്തോടെ നല്‍കുന്നു.
വീടില്ലാത്ത നിരാലംബരായ കുട്ടികള്‍ക്ക് ശ്രമദാനങ്ങള്‍ നടത്തി സുരക്ഷിത വാസ സ്ഥലങ്ങള്‍ ഒരുക്കി നല്‍കുന്നു.

8. കുട്ടികളുടെ സഹായത്തിന് ജില്ലകള്‍ തോറും ഹെല്‍പ്പ് ലൈന്‍ സംവിധാനങൾ

കുട്ടികളുടെ ജീവിത സുരക്ഷ, സാമൂഹ്യസുരക്ഷ, ആരോഗ്യസുരക്ഷ, നിയമസുരക്ഷ, സംരക്ഷണം എന്നിവ കണക്കിലെടുത്ത് 14 ജില്ലകളിലും ഭാരവാഹികളുടെ നേതൃത്വത്തില്‍ ഹെൽപ് ഡസ്ക്ക് പ്രവർത്തിച്ച് വരുന്നു.

ഭാവി പദ്ധതികൾ

1. സ്കോളർഷിപ്പ്, പോഷകാഹാര കിറ്റ് എന്നിവ നൽകൽ

മാതാ പിതാക്കൾ ഇല്ലാത്തതോ, ഉപേക്ഷിക്കപ്പെട്ടതോ ആയ കുട്ടികളിൽ സാമ്പത്തികമായി പിന്നോക്കം നിൽക്കുന്നവർക്ക് വർഷത്തിൽ പഠന ചിലവുകൾക്കാവശ്യമായി സ്കോളർഷിപ്പ് നൽകുകയും, എല്ലാ മാസവും പോഷകാഹാര കിറ്റുകൾ വിതരണം ചെയ്യാനും ഉദ്ദേശിക്കുന്നു. പൊതുജനങ്ങൾ,
മറ്റ് സംഘടനകൾ, സ്പോൺസർമാർ എന്നിവരുടെ സഹകരണത്തോടെയാണ് ഈ പദ്ധതി നടപ്പിലാക്കുക.

2. തെരുവ് മുക്ത ബാല്യം പദ്ധതി

അന്യ സംസ്ഥാനങ്ങളിൽ നിന്ന് വന്ന് തെരുവോരങ്ങളിൽ കച്ചവടം നടത്തുകയോ, മറ്റ് ജോലികൾ ചെയ്യുകയോ ചെയ്യുന്ന കുട്ടികളെ കണ്ടെത്തി സൗജന്യ വിദ്യാഭ്യാസം, ഭക്ഷണം, താമസം എന്നിവ പ്രദാനം ചെയ്യാൻ ഉദ്ദേശിക്കുന്ന പദ്ധതി തുടങ്ങി നമ്മുടെ കുട്ടികളെ പോലെ തന്നെ മറ്റു കുഞ്ഞുങ്ങളേയും പരിപാലവും നല്ല ഭാവിയും ഉറപ്പാക്കുക.

childprotectteamkerala@gmail.com
സ്റ്റേറ്റ് ഹെല്‍പ്പ് ലൈന്‍ നമ്പർ
HELP LINE NUMBER:
944 727 1098

 

കൊല്ലം ജില്ലാ കമ്മിറ്റിയുടെ പ്രവർത്തനങ്ങളിൽ സഹകരിക്കാൻ താല്പര്യമുള്ള ബഹുമാന്യ വ്യക്തികൾ വിളിക്കുക.🙏

ഷിബു റാവുത്തർ
CPT സംസ്ഥാന വൈസ് പ്രസിഡന്റ്‌
ഫോൺ:
8089962065
9074124307

കൊല്ലം ഇൻ -ചാർജ്
ശ്രീ. ഷാജഹാൻ ആസാദ്
സംസ്ഥാന പ്രസിഡന്റ്‌
ഫോൺ. 9633399798