പ്രവാചക ദർശനങ്ങളിലേക്ക് ലോകം മടങ്ങണം ഡോ: ഗബ്രിയേൽ മാർ ഗ്രിഗോറിയോസ്

തിരുവനന്തപുരം :രാജ്യത്ത് വർഗീയതയും വിഭാഗീയതയും പീഡനങ്ങളും വളർന്നു വരുമ്പോൾ പ്രവാചകന്റെ ദർശനങ്ങളിലേക്ക് ലോകം തിരിച്ചു പോകണമെന്നും ഗുണകരമായ മനുഷ്യ പുരോഗതിയും മാനവധർമ്മങ്ങളും ഉൾക്കൊള്ളിച്ചിട്ടുള്ള ആശയങ്ങളാണ് മുഹമ്മദ് നബി ഉപദേശിച്ചുള്ളതൊന്നും ഭദ്രാസനാധിപൻ ഡോ :ഗബ്രിയേൽ മാർഗ്രിഗോറിയോസ് മെത്രാ പൊലീത്ത അഭിപ്രായപ്പെട്ടു.കേരള മുസ്ലിം ജമാഅത്ത് കൗൺസിൽ ഒരുമാസം നീണ്ടുനിൽക്കുന്ന മുഹമ്മദ് നബിയുടെ ജന്മദിനാചരണം പ്രമാണിച്ച്. “ധാർമികതയുടെ പ്രവാചകൻ മാനവീകതയുടെ ദാർശനീകൻ ” എന്ന് മീലാദ് ക്യാമ്പയിൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സംസ്ഥാന പ്രസിഡണ്ട് കരമന ബയാർ അധ്യക്ഷതവഹിച്ചു മുൻ എംപി പന്ന്യൻ രവീന്ദ്രൻ മുഖ്യപ്രഭാഷണം നടത്തി. ഇമാം അഹ്മദ് മൗലവി, വിഴിഞ്ഞം ഹനീഫ്, മുഹമ്മദ് ബഷീർ ബാബു, എം എ ജലീൽ, ബീമാപള്ളി സക്കീർ, എം എ കരീം ശ്രീകാര്യം, എന്നിവർ പ്രസംഗിച്ചു.