വേൾഡ് മലയാളി കൗൺസിലും പത്തനാപുരം ഗാന്ധിഭവനം ചേർന്നുകൊണ്ടുള്ള സമൂഹ വിവാഹ പദ്ധതി വിജയത്തിലേക്ക്

പത്തനാപുരം :വേൾഡ് മലയാളി കൗൺസിലിന്റെ മുപ്പതാം വാർഷികം പ്രമാണിച്ച് അമേരിക്കൻ റീജനിലെ ഫിലാഡൽഫിയ പ്രോവിൻസ് ഏറ്റെടുത്ത് നടത്തുന്ന സമൂഹ വിഭാഗത്തിന്റെ പ്രവർത്തികൾ പുരോഗതിയിലേക്ക് ആണെന്ന് ഇന്നലെ ഗാന്ധിഭവൻ സന്ദർശിച്ച വേൾഡ് മലയാളി കൗൺസിൽ ഭാരവാഹികൾക്ക് ബോധ്യമായി. പത്തനാപുരം ഗാന്ധിഭവന്റെ ഡയറക്ടർ ആയിട്ടുള്ള ഡോ :ശ്രീ പുനലൂർ സോമരാജന്റെ നേതൃത്വത്തിൽ ഗാന്ധിഭവനിലെ സേവന തൽപരരായിട്ടുള്ള, സേവകരും കൂടി ഒത്തു ചേർന്നുകൊണ്ട് 25 വനിതകൾക്കുള്ള വിവാഹവുമായി ബന്ധപ്പെട്ട അപേക്ഷകൾ പരിശോധിച്ചുകൊണ്ട് വിവാഹത്തിനായിട്ടുള്ള വധു വരൻ മാരെ നിശ്ചയിച്ചു. 2025 ഒക്ടോബർ രണ്ടിന് ഗാന്ധിഭവനിൽ നടക്കുന്ന സമൂഹവിവാഹത്തിന്റെ ഒന്നാം ഘട്ടംഇതോടെ പൂർത്തിയായിരിക്കുകയാണ്. ഫിലാഡൽഫിയ പ്രവിൻസിന്റെ പ്രസിഡണ്ട് നൈനാൻ മത്തായിയും,പി ആർ ഓ ജോസ് നൈനാനും, ഡബ്ലിയു എം സി കേരള കൗൺസിൽ പ്രസിഡന്റ് പ്രസാദ് കുഴികാല,ശ്രീ വർഗീസ് മത്തായി, പത്തനംതിട്ട യൂണിറ്റ് വൈസ് പ്രസിഡന്റ് ശ്രീ ശശികുമാർ, വനിതാ ഫോറം പ്രസിഡന്റ് ഡോ. വിലാസിനി ദേവി എന്നിവരും ഈ പരിപാടിയിൽ പങ്കെടുത്തിരുന്നു. സമൂഹ വിവാഹത്തിന് വേണ്ടി, കേരള സമൂഹത്തിന്റെ നാനാ തുറവുകളിൽ നിന്നും വളരെയധികം അപേക്ഷകളാണ് ഗാന്ധിഭവനിൽ ലഭിച്ചതെന്ന് ഗാന്ധിഭവൻ ഡയറക്ടർഡോ. ശ്രീ പുനലൂർ സോമരാജൻ ഡബ്ലിയു എം സി ഭാരവാഹികളെ അറിയിച്ചു. കൂടുതലായി കിട്ടിയ അപേക്ഷയിൽ നിന്ന് 25 നിർദ്ധനരായിട്ടുള്ളവരെ കണ്ടെത്തുവാൻ വളരെയധികം പ്രയത്നമാണ് വേണ്ടി വന്നതെന്ന്, ശ്രീ നൈനാൻ മത്തായിയും ബാക്കിയുള്ള ഭാരവാഹികളെ അറിയിച്ചു.വേൾഡ് മലയാളി കൗൺസിൽ ഭാരവാഹികളുടെ സാനിധ്യത്തിലാണ് ഇതെല്ലാം ഇവിടെ നിർവഹിച്ചത്. എന്തായാലും വേൾഡ് മലയാളി കൗൺസിൽ വലിയൊരു നന്മയാണ് ഇക്കാര്യത്തിൽ ചെയ്യുന്നതെന്ന് ഡയറക്ടർ ഡോ ശ്രീ പുനലൂർ സോമരാജൻ, ഭാരവാഹികളോടെ പറയുകയും, യോഗത്തിലും പ്രസംഗത്തിലും അറിയിച്ചു. വിവാഹവുമായി ബന്ധപ്പെട്ട മറ്റുള്ള ക്രമീകരണങ്ങൾ എല്ലാം തന്നെ സമയബന്ധിതമായി പെട്ടന്ന് തന്നെ പൂർത്തിയാക്കുമെന്നും അദ്ദേഹം നേതാക്കളെ അറിയിച്ചു. ഗാന്ധിഭവനിൽ നടന്ന ഭിന്നശേഷിക്കാരായിട്ടുള്ള കുട്ടികളുടെ കലാപരിപാടിയിൽ വിജയം വരിച്ചവർക്ക്വേൾഡ് മലയാളി കൗൺസിൽ ഫിലാഡൽഫിയ ഭാരവാഹികളായ ശ്രീ നൈനാൻ മത്തായിയും,ശ്രീ ജോസ് നൈനാനും ചേർന്ന് സമ്മാനധാനവും, സർട്ടിഫിക്കറ്റും വിജയികൾക്ക് നൽകുകയുണ്ടായി. സ്നേഹ സമ്മാനമായി തിരികെ, വേൾഡ് മലയാളി കൗൺസിലിന്റെ ഗാന്ധിഭവനിൽ എത്തിയ പ്രവർത്തകർക്ക് മൊമെന്റോയും ലഭിച്ചു. രാവിലെ ഗാന്ധിഭവനിൽ എത്തിയ വേൾഡ് മലയാളി കൗൺസിൽ ഭാരവാഹികൾ വൈകിട്ടോടെയാണ് തിരിച്ചുപോകാൻ സാധിച്ചത്. നിർദ്ധനരും, നിരാലംബരുമായിട്ടുള്ള 1600ഓളം ആളുകളെയാണ് സനാധനരായി ഗാന്ധിഭവനിൽ സ്നേഹത്തോടെ, സംരക്ഷിച്ചു താമസിപ്പിച്ചിട്ടുള്ളത്. മുന്നൂറോളം സേവകരും ഈ സ്ഥാപനത്തിൽ സ്നേഹത്തോടെ ജോലി ചെയ്യുന്നതും,ജോലിയിൽ നിന്നും വിരമിച്ചശേഷം ഈ സ്ഥാപനത്തിൽ ചെയ്യുന്ന പ്രവർത്തികൾ കാണുന്നതിനും, ഗാന്ധിഭവന്റെ സ്നേഹ ആദരങ്ങൾ ലഭിക്കുന്നതിനും ഈ സന്ദർശനം ഉപകാരപ്രദമായി എന്നുള്ളതാണ് ജീവിത ഭാഗ്യം. ഈ സംരംഭത്തിന് ഒളിഞ്ഞും, തെളിഞ്ഞും സഹായങ്ങൾ ചെയ്യുന്ന ഒരുപാട് സുമനസ്സുകൾ ഉണ്ടെന്നുള്ളതും, നമ്മളിൽ ഓരോരുത്തർക്കും ഈ സ്ഥാപനത്തോടുള്ള കടപ്പാടുകളും, സ്നേഹവും എന്നും ഉണ്ടാകുമെന്നുള്ളതും ഗാന്ധിഭവൻ സന്ദർശിക്കുന്ന ഏതൊരാളുടെയും മനസ്സിൽ തോന്നിയിരിക്കും. വീണ്ടും അടുത്ത ദിവസം ഗാന്ധിഭവനിൽ എത്തും എന്ന് അറിയിച്ചു കൊണ്ടാണ് വേൾഡ് മലയാളി കൗൺസിൽ ഭാരവാഹികൾ വൈകിട്ടോടെ ഗാന്ധിഭവൻ വിട്ട് പുറത്തുപോയത്.