ജനാധിപത്യ കലാസാഹിത്യ വേദി ലോക സംഗീത ദിനാഘോഷം നടത്തി

തിരുവനന്തപുരം : ജനാധിപത്യ കലാസാഹിത്യ വേദി തിരുവനന്തപുരം ജില്ലാ കമ്മറ്റി പട്ടം ഗേൾസ് സ്കൂളിൽ സംഘടിപ്പിച്ച ലോക സംഗീത ദിനാഘോഷം മുൻ മന്ത്രിയും ഗാനരചയിതാവുമായ പന്തളം സുധാകരൻ ഉദ്ഘാടനം ചെയ്തു .

ഗാന്ധി സെന്റർ ചെയർമാനും മുൻ പി. എസ്. സി. അംഗവുമായ അഡ്വ . വി.എസ്. ഹരീന്ദ്രനാഥ് മുഖ്യപ്രഭാഷണം നടത്തി സംസ്ഥാന ചെയർമാൻ കുന്നത്തൂർ ജെ. പ്രകാശ് ആമുഖ പ്രഭാഷണം നടത്തി. ജില്ലാ ചെയർമാൻ കരിച്ചാറ നാദർഷ അധ്യക്ഷത വഹിച്ചു. ജില്ലാ സെക്രട്ടറി ജയപ്രകാശ് എൻ.പി. സ്വാഗതവും, സംസ്ഥാന കോഓര്‍ഡിനേറ്റർ ബിന്ദു പോൾ നന്ദിയും പറഞ്ഞു.

സംസ്ഥാന സെക്രട്ടറി വെമ്പായം നസീർ, ജില്ലാ ജോയിന്റ് സെക്രട്ടറി ശ്രീദേവി പി.കെ. എന്നിവർ നേതൃത്വം നൽകി. വിവിധ രംഗങ്ങളിൽ മികച്ച പ്രവർത്തനം നടത്തിയ സഹദേവൻ കോട്ടവിള , യാസ്മിൻ സുലൈമാൻ, പൂലന്തറ മണികണ്ഠൻ, ആലുംമൂട് സഫർ . ഷെമീർ കണിയാപുരം, കെ.സി.രമ ടീച്ചർ എന്നിവർക്ക് പുരസ്ക്കാരങ്ങൾ നൽകി. ഓൺലൈൻ ഗാന മൽസരങ്ങളിൽ വിജയിച്ചവർക്കുള്ള സമ്മാനങ്ങളും വിതരണം ചെയ്തു. അംഗങ്ങൾ അവതരിപ്പിച്ച ഗാനമേളയും ഉണ്ടായിരുന്നു.